Ezekiel 3:17 - An Bibel Kernewek 20234 (Kernewek Kemmyn)

¹⁷ Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Ezekiel 3:17 ပူးပေါင်းရင်းမြစ်များ

2 Kroniklys 19:10

Yn pub ken a dheu a-ragowgh dhiworth agas breder trigys yn aga sitys, yn skoellya goes, po treuspassow erell erbynn an lagha, an gorhemmynnow, an ordenansow, po an rewlys, ena hwi a's gwarn, rag na vons kablus dre begha erbynn an Arloedh, ha rag na dheffo konnar warnowgh ha war agas breder. Mar kwrewgh yndella, ny vydhowgh kablus.

An Gan a Ganow 3:3

An woelysi a'm kavas, hag i ow mos a-dro y'n sita, ‘A welsowgh karadow ow enev?’

An Gan a Ganow 5:7

An woelyadoryon a'm kavas, hag i ow mos a-dro y'n sita; i a'm gweskis, i a'm golias, i a dennas ow mantell dhe-ves, goelyadoryon an fosow.

Ysay 21:6

Rag yndellma y lever an Arloedh dhymm: ‘Ke, sett goelyador, re dheriffo an pyth a wel.

Ysay 21:8

Ena an goelyador a elwis: ‘War dour-goelyas sevel a wrav, a arloedh, dydhweyth prest; ha my a worta y'm goelyas der oll an nosow.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 56:10

Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Ezekiel 11:25

Ha my a gewsis dhe'n dhivresow oll geryow an Arloedh a dhiskwedhsa dhymm.

Ezekiel 11:4

Rakhenna profoes er aga fynn; profoes, mab den.’

Ezekiel 2:7

Kows ow geryow orta, mar koslowons po mar skonyons; rag chi diwostydh yns i.

Habakkuk 2:1

Sevel a wrav war ow savla-gwitha hag omsettya war ow thour-goelyas ow mires dhe weles an pyth a vynn ev leverel dhymm, ha'n pyth a worthybav dhe'm krodhvol.

Haggay 1:13

Ena Haggay, kannas an Arloedh, a dherivas messaj an Arloedh dhe'n bobel, ow leverel: Yth esov genowgh yn-medh an Arloedh.

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

1 Korinthianys 4:14

Ny skrifav dhywgh an traow ma rag gul dhywgh bos methek, mes rag agas keski avel ow fleghes veurgerys.

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.