Ezekiel 3:12 - An Bibel Kernewek 20234 (Kernewek Kemmyn)

¹² Ena an Spyrys a'm drehevis, ha my a glewas a-dryv dhymm son grommyans bras, pan sevis glori an Arloedh a'y le,

Ezekiel 3:12 ပူးပေါင်းရင်းမြစ်များ

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

Salmow 148:2

Gormelewgh ev, oll hwi y eledh ev; gormelewgh ev, oll y luyow.

Salmow 26:8

Arloedh, my re garas trigva dha ji, an tyller mayth annedh dha wolewder.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 2:2

An Spyrys a entras ynnov pan gewsis dhymm, ha'm settya war ow threys, ha my a'n klewas ow kewsel dhymm.

Ezekiel 3:11

Ha ke, deus dhe'n dhivresow, dhe vebyon dha bobel, ha kows orta. Lavar dhedha, ‘Yndellma y lever an Arloedh Duw’, mar koslowons po mar skonyons.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Ezekiel 43:4

Glori an Arloedh a dheuth bys y'n tempel der an yet esa ow mires troha'n est.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Ezekiel 9:3

Ha glori Duw Ysrael eth yn-bann a-dhiwar an cherub may fia warnodho, dhe dreudhow an chi. Ev a elwis dhe'n gour o gwiskys yn lien gans daffar skrifyas war y glun;

Oberow 2:2

hag a-dhesempis y teuth mes a nev tros kepar ha gwyns nerthek ha hwyflyn, hag ev a lenwis oll an chi mayth ens esedhys,

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.