Ezekiel 3:11 - An Bibel Kernewek 20234 (Kernewek Kemmyn)

¹¹ Ha ke, deus dhe'n dhivresow, dhe vebyon dha bobel, ha kows orta. Lavar dhedha, ‘Yndellma y lever an Arloedh Duw’, mar koslowons po mar skonyons.

Ezekiel 3:11 ပူးပေါင်းရင်းမြစ်များ

Eksodus 32:7

Ha'n Arloedh a leveris dhe Moyses, ‘Diyskynn; rag dha bobel, hag a dhresys yn-mes a bow Ejyp, re omdhefolas;

Yeremia 29:20

Klewewgh ytho ger an Arloedh, oll hwi an dhivresow, a dhannvenis a Yerusalem dhe Babylon:

Ezekiel 2:4

Mebyon penn-kales yns i ha gorth aga holonn; yth esov orth dha dhannvon dhedha. Lavar dhedha, ‘Yndellma y lever an Arloedh Duw.’

Ezekiel 2:5

Hag i, mar koslowons po mar skonyons (rag chi diwostydh yns i) byttegyns i a woer y feu profoes yn aga mysk.

Ezekiel 2:7

Kows ow geryow orta, mar koslowons po mar skonyons; rag chi diwostydh yns i.

Ezekiel 20:27

Rakhenna, A vab den, kows dhe ji Ysrael ha leverel dhedha, Yndellma y lever an Arloedh Duw: Yn hemma ynwedh agas tasow a'm kablas ha bos dislel dhymm.

Ezekiel 3:10

Hag yn-medh ev dhymm: Mab den, oll an geryow a gowsav orthis, kemmer i y'th kolonn, ha'ga klewes gans dha dhiwskovarn.

Ezekiel 3:12

Ena an Spyrys a'm drehevis, ha my a glewas a-dryv dhymm son grommyans bras, pan sevis glori an Arloedh a'y le,

Ezekiel 3:15

My a dheuth dhe Tel-abib, dhe'n dhivresow trigys ryb an avon Kebar; hag ena, y'n tyller mayth esens trigys, my a esedhas seyth dydh dyegrys yn aga mysk.

Ezekiel 3:27

Mes pan gowsav orthis, my a iger dha anow, ha ty a lever dhedha, ‘Yndellma y lever An Arloedh Duw.’ Ev neb a glew, klewes; hag ev neb a skon, skonys; rag chi diwostydh yns i.

Ezekiel 33:12

Ha ty, A vab den, lavar dhe vebyon dha bobel, Ny wra ewnder an ewnhynsek y sawya yn dydh y gammweythres, ha ny wra droktra an tebelwas gul dhodho trebuchya y'n jydh may treyl dhiworth y gammweythres, ha ny yll an den ewnhynsek bewa yn y ewnder y'n jydh may peggho.

Ezekiel 33:17

Mebyon dha bobel a lever, ‘Fordh an Arloedh nyns yw ewn’, pan nag yw ewn aga fordh i.

Ezekiel 33:2

Mab den, kows dhe vebyon dha bobel, ha leverel dhedha, Pan dhrov kledha war neb tir, mar kemmer pobel a'n tir na neb unn gour a-dhiworth aga oryon ha'y wul goelyador ragdha;

Ezekiel 33:30

Ha ty, A vab den, mebyon dha bobel a geskews a-dro dhis ryb an fosow hag orth darasow an chiow, ow leverel an eyl dh'y gila, pubonan dh'y gentrevek, ‘Dewgh, ha klewewgh pyth yw an ger dhiworth an Arloedh.’

Ezekiel 37:18

Pan wra mebyon dha bobel leverel dhis, ‘A ny dhiskwedhydh dhyn pyth yw styr hemma?’

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’

Dewteronomi 9:12

Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’