Ezekiel 29:3 - An Bibel Kernewek 20234 (Kernewek Kemmyn)

³ Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 29:3 ပူးပေါင်းရင်းမြစ်များ

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Yeremia 44:30

Yndellma y lever an Arloedh, Otta, my a re Faro Hofra, myghtern Ejyp, yn leuv y eskerens, hag yn leuv an re a hwila y vewnans, par dell res Sedekia myghtern Yuda yn leuv Nebukadnessar myghtern Babylon, y eskar a hwilas y vewnans.’

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Salmow 76:7

Ty, ty yw euthyk; ha piw a sev a-dheragos pan osta serrys?

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;

Diskwedhyans 16:13

Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.

Diskwedhyans 13:11

Ha my a welas ken best owth yskynna yn-mes a'n dor; hag yth esa dhodho dew gorn kepar hag oen, hag yth esa ow kewsel kepar ha dragon.

Diskwedhyans 13:4

Hag i a wordhyas an dhragon rag hi dhe ri galloes dhe'n best: hag i a wordhyas an best, ow leverel, ‘Piw yw kepar ha'n best, ha piw a yll gwerrya ganso?’

Diskwedhyans 13:2

Ha'n best a welis o kepar ha lewpard, ha'y bawyow kepar ha pawyow ors, ha'y vin kepar ha min lew, ha'n dhragon a ros dhodho hy nerth, ha'y thron, ha galloes meur.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Salmow 68:30

Keredh goedhvil an kors, gre an terewi, gans leughi an poblow a stankyas yn-dann dreys an temmyn a arghans; skatter an poblow a lowenha yn bresel.

Ezekiel 30:12

My a wra an avonyow sygh, ha gwertha an pow yn leuv an debeles, ha gwastya an pow ha pup-tra eus ynno dre leuv estrenyon; my, an Arloedh, re gewsis.

Ezekiel 30:22

Rakhenna yndellma y lever an Arloedh Duw: Awottavy erbynn Faro, myghtern Ejyp. My a derr y breghow krev, an bregh krev ha'n bregh terrys, ha gul dhe'n kledha koedha dhiworth y leuv.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Amos 6:13

Hwi a lowenha yn Lo-debar, ow leverel, ‘A ny wrussyn gans agan nerth agan honan kemmeres ragon Karnaym?’