Ezekiel 28:9 - An Bibel Kernewek 20234 (Kernewek Kemmyn)

⁹ A leverydh hwath, ‘My yw duw’, yn golok an re a'th ladh? Mes ty yw den a-der duw y'n leuv an re a'th ladh.

Ezekiel 28:9 ပူးပေါင်းရင်းမြစ်များ

Salmow 82:7

Byttegyns hwi a verow avel mab-den, ha koedha avel onan a'n bennternedh.’

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Ezekiel 28:10

Ty a verow del verow an re antrodreghys yn leuv estrenyon; rag my re gewsis, yn-medh an Arloedh Duw.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 28:8

I a'th tre yn-nans dhe'n pytt, ha ty a verow del verow an re yw ledhys yn kolonn an moryow.

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.