Ezekiel 28:2 - An Bibel Kernewek 20234 (Kernewek Kemmyn)

² Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 28:2 ပူးပေါင်းရင်းမြစ်များ

Jenesis 3:5

rag Duw a woer, y'n jydh may typprowgh anodho, agas dewlagas a vydh igerys, ha hwi a vydh kepar ha duwow, ow kodhvos da ha drog.’

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

Salmow 9:20

Gorr own ynna, A Arloedh; godhvydhes an kenedhlow nag yns marnas tus. Sela.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 23:8

Piw a gusulyas hemma erbynn Tyr, neb a ri kurunyow, neb yw hy marchons pennternedh, ha'y henwerthoryon yw an re enorys a'n nor?

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 47:8

Lemmyn ytho, klew hemma, ty garores plesour, neb a esedh yn sawder, neb a lever yn hy holonn, ‘My! Nyns eus ken onan a-der my! Ny esedhav avel gwedhwes, na perthi koll fleghes.’

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Ezekiel 26:17

I a dhrehav galargan warnas, ha leverel dhis, Fatell osta distruys, annedhyades an moryow, an sita gerys-da, neb a veu krev war an mor, hi ha'y annedhysi; hi neb a worras hy euth war oll hy annedhysi!

Ezekiel 28:1

Ger an Arloedh a dheuth dhymm, ow leverel:

Ezekiel 28:17

Dha golonn o goethus y'th tekter, ty a dhefolas dha furneth drefenn dha splannder. Ytho my a'th tewlis dhe'n dor, my a'th worras a-rag myghternedh, dhe vires warnas gans skorn.

Ezekiel 28:9

A leverydh hwath, ‘My yw duw’, yn golok an re a'th ladh? Mes ty yw den a-der duw y'n leuv an re a'th ladh.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 29:9

Pow Ejyp a vydh ynyalder ha difeyth. Ena i a woer my dhe vos an Arloedh. Rag ty dhe leverel, ‘An avon yw dhymm, ha my a's gwrug’,

Ezekiel 31:10

Rakhenna yndellma y lever an Arloedh Duw: Drefenn hi dhe devi ughel, ha settya hy thopp ynter an kommol, ha rag bos hy holonn goethus yn hy ughelder,

Daniel 11:12

Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 11:37

Ny wra vri orth duwow y dasow, na hwath orth an duw kerys gans benynes, nag orth duw arall vytholl, rag a-ughta i oll ev a omvoghha.

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

Zekaria 9:2

Hamath ynwedh, usi war hy or; Tyr ynwedh ha Sidon, mar skiansek kyn fons.

Luk 14:9

ha neb a'gas gelwis agas dew a lever dhis, “Doro an tyller dhe'n den ma”, hag ena ty a gans ankombrynsi dhe gemmeres an tyller isella.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

1 Timothi 3:6

Na vedhes ev dyskybel nowydh na goettho yn breus an jowl dre woeth.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Diskwedhyans 17:3

Hag ev a'm dug a-bervedh yn difeyth y'n spyrys, ha my a welas benyn esedhys war best rudh, leun a henwyn blasfemus, gans seyth penn ha deg korn.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”