Ezekiel 27:31 - An Bibel Kernewek 20234 (Kernewek Kemmyn)

³¹ I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Ezekiel 27:31 ပူးပေါင်းရင်းမြစ်များ

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 16:9

Rakhenna my a oel gans oelva Yazer rag gwinbrenn Sibma. My a'th towrha gans ow dagrow, A Heshbon hag Eleale; rag an arm war dha frutys hav ha'th trevas re hedhis.

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Mika 1:16

Omvoelha, ha trogh dha wols rag an vebyon a'th telit; omwra maga foel avel er, rag i res eth a-dhiworthis bys yn divroedh.

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Yeremia 47:5

Moelder re dheuth war Gaza, avlavar yw Ashkelon. A remenant an Anakim, pes termyn yth omhakkydh?

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Dewteronomi 14:1

Hwi yw mebyon dhe'n Arloedh agas Duw: ny omhakkyowgh, na ny wrewgh bloghter ynter agas dewlagas rag den marow.

Levitikus 21:5

Ny wrons blogh aga fennow, na treghi tenwennow aga barvow, na treghi aga hig.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ezekiel 29:18

Mab den, Nebukadnessar myghtern Babylon a wrug dh'y lu lavurya yn krev erbynn Tyr; pub penn o bloghhes, ha pub skoedh o rutys lomm. Mes ny veu gwayn dhodho ev na dh'y lu rag y lavur erbynn Tyr.

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.