Ezekiel 27:30 - An Bibel Kernewek 20234 (Kernewek Kemmyn)

³⁰ I a dhrehav aga lev er dha bynn, hag i a gri yn hwerow; i a dewl doust war aga fennow ha rolya yn lusu.

Ezekiel 27:30 ပူးပေါင်းရင်းမြစ်များ

2 Samuel 1:2

Y'n tressa dydh, gour a dheuth yn-mes a gamp Sowl gans y dhillas skwardys, ha gans dor war y benn. Pan dheuth dhe Davydh, ev a goedhas dhe'n leur hag omblegya.

Job 2:12

Ha pan y'n gwelsons a-dhiworth pell, ny'n aswonnis hag i a ughelhas aga lev hag oela, hag i a skwardyas aga fows ha skattra doust war aga fenn troha nev.

Job 2:8

Hag ev a gemmeras darn a briweyth may halla omdhiruska ganso, hag ev a esedhas yn mysk an lusu.

Job 42:6

rakhenna my a'm kas ow honan, ha koedha yn edrek yn doust ha lusu.’

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Ezekiel 26:17

I a dhrehav galargan warnas, ha leverel dhis, Fatell osta distruys, annedhyades an moryow, an sita gerys-da, neb a veu krev war an mor, hi ha'y annedhysi; hi neb a worras hy euth war oll hy annedhysi!

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Mika 1:10

Na dherivewgh e yn Gath, na oelewgh kammenn vyth; yn Beth-le-afra omrolyewgh y'n doust!

1 Samuel 4:12

Gour a Benyamin a boenyas mes a'n linenn vatel, ha dos dhe Shilo an keth jydh, gans y dhillas skwardys ha gans dor war y benn.