Ezekiel 26:9 - An Bibel Kernewek 20234 (Kernewek Kemmyn)

⁹ Ev a sett strokosow y hor'bennow erbynn dha fosow, ha terri dha douryow dhe'n dor gans y voelyow.

Ezekiel 26:9 ပူးပေါင်းရင်းမြစ်များ

2 Kroniklys 26:15

Yn Yerusalem ev a dhrehevis jynnow re bia devisys gans ynjinoryon sleygh, war an touryow hag orth an kornellow rag tewlel sethow ha meyn bras. Y vri a lesas pell, rag ev o marthys gweresys, bys pan o gyllys krev.

Ezekiel 21:22

Yn y leuv dhyghow y teu koelbrenn Yerusalem, dhe igeri an ganow rag an ladhva, dhe dhrehevel an lev y'n kri a vatel, dhe settya hor'bennow erbynn an yetys, dhe grugya gweythyow-esedhva.

Ezekiel 26:4

I a dhistru fosow Tyr, ha terri hy thouryow dhe'n dor, ha skuba dhe-ves hy doust dhiworti, ha'y gul karrek lomm.

Ezekiel 26:8

Ev a ladh dha vyrghes y'n gwel gans an kledha, ha krugya gweyth-esedhva er dha bynn, ha krugya krug-esedhva er dha bynn, ha drehevel to a skoesow er dha bynn.

Ezekiel 26:10

Mar lies vydh y vergh may hwra aga doust dha gudha. Orth son an varghogyon, ha'n rosow, ha'n charettow dha fosow a gren, pan enter y'th yetys kepar ha'n re a enter yn sita mayth eus ynni aswa.