Ezekiel 26:3 - An Bibel Kernewek 20234 (Kernewek Kemmyn)

³ rakhenna yndellma y lever an Arloedh Duw: Otta, yth esov er dha bynn, A Tyr, ha my a dhre yn-bann lies kenedhel er dha bynn, kepar dell wra an mor dri y donnow yn-bann.

Ezekiel 26:3 ပူးပေါင်းရင်းမြစ်များ

Salmow 107:25

Ev a gewsis, ha drehevel an hager-awel, hag a sevis tonnow an mor.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Yeremia 21:13

Otta, yth esov er dha bynn, a annedhyas an nans, ha karrek an plen, y lever an Arloedh; hwi neb a lever, ‘Piw a yll dos yn-nans er agan pynn? ha piw a yll entra yn agan annedhow?’

Yeremia 25:22

hag oll myghternedh Tyr, hag oll myghternedh Sidon, ha myghternedh an ynysow usi dres an mor;

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 51:42

An mor re sevis war Babylon; hi re beu kudhys gans tervans y donnow.

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Ezekiel 26:19

Rag yndellma y lever an Arloedh Duw: Pan y'th wrav sita wastys avel sitys nag yw annedhys, pan dhrov yn-bann warnas an downder, ha'n dowrow meur a'th kudh,

Ezekiel 27:26

Yn dowrow ughel roevadoryon a'th tros, mes gwyns an est a'th terr yn kolonn an moryow.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 29:10

rakhenna otta, yth esov er dha bynn, hag erbynn dha avonyow, ha my a wra pow Ejyp ynyal kowal ha difeyth, dhiworth Migdol dhe Syene, bys yn or Ethiopia.

Ezekiel 38:3

ha lavar: Yndellma y lever an Arloedh DUW: Otta, yth esov er dha bynn, A Gog, chyf pennsevik Meshek ha Tubal.

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Mika 4:11

Ha lemmyn kenedhlow pals re omguntellas er dha bynn, ow leverel, ‘Bedhes hi disakrys, re wrello agan dewlagas mires war derroes Sion.’

Nahum 2:12

An lew a skwardyas lowr rag y lewigow, ha taga rag y lewesow, ha lenwel a breydh y dell, ha'y fowys gans kig skwardys.

Nahum 3:5

mir, yth esov er dha bynn, yn-medh Arloedh an luyow, ha my a dhrehav dha lostennow dres dha fas; my a dhiskwa dha noethedh dhe'n kenedhlow, ha'th tisenor dhe'n gwlaskordhow.

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Zekaria 9:4

Mes an Arloedh a wra hy fesya ha tewlel hy nerth y'n mor, ha hi a vydh devorys gans tan.

Luk 21:25

‘Hag y fydh toknys y'n howl ha'n loer ha'n ster, ha war an nor angoes dhe'n kenedhlow, fienasow drefenn tarenna an mor ha'n tonnow.