Ezekiel 26:20 - An Bibel Kernewek 20234 (Kernewek Kemmyn)

²⁰ ena my a'th tre yn-nans gans an re a dhiyskynn dhe'n pytt, dhe'n bobel a dermynyow koth; ha my a'th wrav dhe driga y'n dor barth a-woeles, kepar hag yn magoryow an termynyow koth, gans an re a dhiyskynn dhe'n pytt, ma na ylli dehweles, na kavoes tyller yn mysk an re vew.

Ezekiel 26:20 ပူးပေါင်းရင်းမြစ်များ

Salmow 27:13

Hemma a grysav, my dhe weles dader an Arloedh yn tir an re vew.

Salmow 28:1

Warnas jy y halwav, A Arloedh; ow harrek, na vydh bodhar orthiv vy, ma na viv, mar tewydh, kepar ha'n re a dhiyskynn dhe'n pytt.

Ysay 14:10

I oll a'th worthyp ha leverel dhis, ‘Ty ynwedh yw ydhil avelon, ty yw devedhys ha bos haval dhyn.’

Ysay 14:9

Ifarn a-woeles yw amovys ragos, dhe'th vetya pan dheudh; ev a dhifun spyrysyon an re varow ragos oll myns a veu ledyoryon an norvys; ev a dhrehav dhiworth aga thronys oll myghternedh an kenedhlow.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Ysay 59:10

Palvala a wren war fos avel an dhellyon, ha ni a balval avel an re heb dewlagas. Ni a drebuch yn hanter-dydh kepar hag yn tewlwolow; yn mysk an re grev, yth on ni avel an re varow.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Kynvannow 3:6

Ev re wrug dhymm triga yn tylleryow tewl, kepar ha'n dus varow nans yw pell.

Ezekiel 31:14

Hemm yw ma na deffo an gwydh ryb an dowrow re ughel, ow settya aga thopp ynter an kommol. Na dyv gwydh nevra namoy dhe'n keth ughelder ma, oll an re a yv dowr; i oll yw destnys dhe'n mernans yn rannow isella an norvys; i a vydh yn mysk mebyon den, gans an re a dhiyskynn dhe'n pytt.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Amos 9:2

Kyn palons bys yn ifarn, ow dorn a's kemmer alena; kynth yskynnons dhe nev, my a's dre yn-nans alena.

Yona 2:2

ow leverel, My a elwis y'm anken war an Arloedh, hag ev a worthybis dhymm; yn-mes a dorr ifarn y kriis vy rag gweres, ha ty a glewas ow lev.

Yona 2:6

Dhe woeles an menydhyow yth yth vy, barrys an nor a'm degeas a-derdro bynitha; mes ty a dhros ow bewnans yn-bann dhiworth an pytt, A Arloedh ow Duw.

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Niverow 16:30

Mes mar kwra an Arloedh neppyth nowydh, ha'n dor a iger y anow, ha'ga howllenki, gans peub a bewons, hag i a dhiyskynn yn few dhe ifarn; ena hwi a wodhvydh an wer ma dhe dhispresya an Arloedh.’

Niverow 16:33

Ytho i, hag oll a bewens, a dhiyskynnas yn few dhe ifarn; ha'n dor a dhegeas a-ughta, hag i a eth mes a wel a-dhiworth kres an gemmynieth.

Matthew 11:23

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Luk 10:15

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn!

2 Peder 2:5

ha mar ny sparyas an bys koth, mes y hwithas Noy, herot ewnder, gans seyth den arall, hag ev ow tannvon an liv war an norvys a dus dhidhuw;