Ezekiel 26:17 - An Bibel Kernewek 20234 (Kernewek Kemmyn)

¹⁷ I a dhrehav galargan warnas, ha leverel dhis, Fatell osta distruys, annedhyades an moryow, an sita gerys-da, neb a veu krev war an mor, hi ha'y annedhysi; hi neb a worras hy euth war oll hy annedhysi!

Ezekiel 26:17 ပူးပေါင်းရင်းမြစ်များ

2 Samuel 1:19

Dha splannder, a Ysrael yw ledhys war dha dylleryow ughel: ass yw an gasoryon koedhys!

Ysay 14:12

Fatell osta koedhys dhiworth nev, A Vorlowenn, mab an bora! Ty re beu treghys dhe'n dor, neb a fethas kenedhlow.

Ysay 23:4

Kemmer meth, Sidon, rag an mor re gewsis, kastell an mor, ow leverel, ‘Ny veuv yn lavur na ny dhineythis, ny vegis gwer grev na ny veythris gwyrghesow.’

Ysay 23:8

Piw a gusulyas hemma erbynn Tyr, neb a ri kurunyow, neb yw hy marchons pennternedh, ha'y henwerthoryon yw an re enorys a'n nor?

Yeremia 48:39

Ass yw hi terrys! Ass wrons kyni! Ass wrug Moab treylya hy heyn yn meth! Ytho Moab yw devedhys ha bos ges hag euth dhe beub yn y gyrghynn.

Yeremia 50:23

Ass yw morthol oll an nor treghys ha terrys! Ass yw Babylon devedhys ha bos euth yn mysk an kenedhlow!

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Ezekiel 19:1

Ty, drehav galargan rag pennsevigyon Ysrael,

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 32:16

Homm yw an alargan a ganons. Myrghes an kenedhlow a's kan; i a's kan war Ejyp ha war oll hy routh, yn-medh an Arloedh Duw.

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Ezekiel 32:23

Aga bedhow yw settys yn pella rannow an pytt, ha'y ost oll a-dro dh'y bedh, i oll ledhys, koedhys der an kledha, an re a wrug euth yn tir an re vew.

Ezekiel 32:27

A ny wrowedhons gans an gasoryon erell antrodreghys a goedhas, a dhiyskynnas dhe ifarn gans aga arvow a vresel, may feu aga kledha gorrys yn-dann aga fenn? Y fydh kessydhyans aga hammweythresow war aga eskern; rag y feu euth an gasoryon ma yn tir an re vew.

Yoel 1:18

Assa wra an gwarthek hanasa! Penndegys yw an oghen, drefenn nag eus peur dhedha; devri, gwrys yn ahwer yw greow an deves.

Obadia 1:5

Mar teffa robbyoryon dhis, po ladron yn nos, fatell allses bos distruys? A ny wrussens ladra unnweyth an pyth a ve lowr ragdha i aga honan? Mar teffa kuntelloryon grappys dhis, a ny wrussens gasa rann a'n grappys?

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

Yoshua 19:29

ena an or a dreylyas dhe Rama, ha dhe'n sita gerys Tyr; ena an or a dreylyas dhe Hosa, hag yth esa hy diwedh a'n howlsedhes Mahaleb, Akzib,