Ezekiel 26:16 - An Bibel Kernewek 20234 (Kernewek Kemmyn)

¹⁶ Ena oll pennsevigyon an mor a dhiyskynn dhiworth aga thronys ha gorra dhe denewen aga fowsyow, ha diwiska aga dillas brosys. I a omwisk gans krena, hag esedha war an dor; i a gren heb hedhi, hag i a gemmer skruth orthis.

Ezekiel 26:16 ပူးပေါင်းရင်းမြစ်များ

Job 8:22

An re a'th kas a vydh gwiskys yn bismer, ha tylda an dhebelwesyon a vydh gyllys dhe goll.’

Salmow 109:18

Ev a omwiskas gans molleth kepar ha gans kweth; sygeres hi yn y golodhyon avel dowr, hag avel oyl yn y eskern.

Salmow 109:29

Bedhes ow huhudhoryon gwiskys yn disenor, ha gwiskens i aga meth avel mantell.

Salmow 132:18

Y eskerens my a wisk gans meth, mes warnodho y fydh y gurun ow splanna.’

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Ysay 41:5

An arvoryow re welas hag own a's teves, pennow an bys a gren; i re nesas ha dos.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Ysay 52:2

Shak dha honan dhiworth an doust, sav yn-bann, esedh war dha dron, A Yerusalem; digolm an kadonyow a'th konna, A gethes, myrgh Sion.

Yeremia 48:39

Ass yw hi terrys! Ass wrons kyni! Ass wrug Moab treylya hy heyn yn meth! Ytho Moab yw devedhys ha bos ges hag euth dhe beub yn y gyrghynn.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Ezekiel 16:10

My a'th tillesas gans pows vrosyes, ha gorra sandalyow a groghen morhogh warnas. My a'th vaylyas yn sendal, ha'th kudha gans owrlin.

Ezekiel 26:21

Euth tromm a wrav dhis. Ty a vydh hwilys, heb bos kevys arta bys vykken, yn-medh an Arloedh Duw.

Ezekiel 28:17

Dha golonn o goethus y'th tekter, ty a dhefolas dha furneth drefenn dha splannder. Ytho my a'th tewlis dhe'n dor, my a'th worras a-rag myghternedh, dhe vires warnas gans skorn.

Ezekiel 31:15

Yndellma y lever an Arloedh Duw: Y'n jydh may tiyskynnas dhe ifarn, my a gudhas an downder gans kynvann rygdhi; my a fronnas hy avonyow ha lesta lies dowr. My a wrug dhe Lebanon kyni rygdhi, hag oll gwydh an gwel a glamderas rygdhi.

Ezekiel 32:10

My a wra dhe lies pobel bos sowdhenys orthis, ha'ga myghternedh a vydh dyegrys orthis, pan swaysyav ow kledha a-ragdha; ha pub den a gren rag y vewnans pup-prys y'n jydh dha derroes.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ezekiel 7:8

Lemmyn a verr spys my a dhinwa ow honnar warnas, ha'y kowlwul ow sorr er dha bynn; my a'th vreus war-lergh dha fordhow, hag attyli dhis rag oll dha daklow kasadow.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.