Ezekiel 26:15 - An Bibel Kernewek 20234 (Kernewek Kemmyn)

¹⁵ Yndellma y lever an Arloedh Duw dhe Tyr: A ny gren an arvoryow orth son dha goedh, pan hanas an re goliys, pan vydh an ladhva y'n kres ahanas?

Ezekiel 26:15 ပူးပေါင်းရင်းမြစ်များ

Ezekiel 27:35

Oll trigoryon an arvoryow a gemmer skruth orthis, ha'ga myghternedh yw pur dhyegrys, ha'ga fasow yw troblys.

Yeremia 49:21

Orth son aga hoedh, an nor a gren; son aga kri a vydh klewys orth an Mor Rudh.

Ezekiel 31:16

My a wrug dhe'n kenedhlow krena dre son hy therroes pan y's dros yn-nans dhe ifarn gans an re a dhiyskynn dhe'n pytt; hag oll gwydh Eden, an flour ha'n gwella a Lebanon, oll an re a eva dowr, a veu konfortys y'n bys a-woeles.

Ezekiel 26:18

Lemmyn an arvoryow a gren yn dydh dha goedh; an ynysow usi y'n mor a gemmer skruth orth dha dhibarth.

Ezekiel 32:10

My a wra dhe lies pobel bos sowdhenys orthis, ha'ga myghternedh a vydh dyegrys orthis, pan swaysyav ow kledha a-ragdha; ha pub den a gren rag y vewnans pup-prys y'n jydh dha derroes.

Ezekiel 27:28

Orth son leva dha varners an peurvaow a gren.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 41:5

An arvoryow re welas hag own a's teves, pennow an bys a gren; i re nesas ha dos.

Ezekiel 26:10

Mar lies vydh y vergh may hwra aga doust dha gudha. Orth son an varghogyon, ha'n rosow, ha'n charettow dha fosow a gren, pan enter y'th yetys kepar ha'n re a enter yn sita mayth eus ynni aswa.

Ezekiel 26:21

Euth tromm a wrav dhis. Ty a vydh hwilys, heb bos kevys arta bys vykken, yn-medh an Arloedh Duw.