Ezekiel 26:14 - An Bibel Kernewek 20234 (Kernewek Kemmyn)

¹⁴ My a'th wra karrek lomm; ty a vydh tyller rag lesa roesow. Ny vydhydh nevra dastrehevys, rag my an Arloedh re gewsis, yn-medh an Arloedh Duw.

Ezekiel 26:14 ပူးပေါင်းရင်းမြစ်များ

Job 12:14

Mar tewl ev dhe'n dor, ny yll denvyth dastrehevel; mar tege ev gour a-bervedh, ny yllir igeri.

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Ysay 14:27

Ytho Arloedh an luyow re erviris, ha piw a'n lest? Y leuv yw ystynnys, ha piw a's treyl dhe-ves?

Ysay 23:12

Ev a leveris, Ny lowenhydh byth moy, a wyrghes arweskys myrgh Sidon; sav, treus dhe Kyprus; ynwedh ena ny vydh powes dhis.

Ezekiel 21:32

Y fydhydh keunys rag an tan, dha woes a vydh yn kres an tir; ny vydhydh kovhes na fella, rag my an Arloedh re gewsis.

Ezekiel 22:14

A yll sev dha golonn sevel, po a vydh dha dhiwla krev rag an dydhyow may hwrav vy dha dhyghtya? My an Arloedh re gewsis, ha my a'n gwrav.

Ezekiel 26:12

I a byll dha rychys hag a breydh dha wara; i a derr dhe'n dor dha fosow ha distrui dha jiow desiradow; hag i a dewl dha veyn ha'th prennyer ha dha dhoust yn kres an mor.

Ezekiel 30:12

My a wra an avonyow sygh, ha gwertha an pow yn leuv an debeles, ha gwastya an pow ha pup-tra eus ynno dre leuv estrenyon; my, an Arloedh, re gewsis.

Ezekiel 47:10

Tus a sev ryb an mor ow pyskessa; dhiworth En-gedi ha bys En-eglaym y fydh tylleryow rag lesa roesow. An puskes a vydh a lies kinda, kepar ha puskes an Mor Bras, pur lies.

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Ezekiel 5:17

My a dhannvon divoetter ha tebel vestes er agas pynn, hag i a'th wra anvap. Plag ha goes a dremen dresos, ha my a dhre kledha warnas. My, an Arloedh, re gewsis.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Dewteronomi 13:16

Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.