Ezekiel 25:7 - An Bibel Kernewek 20234 (Kernewek Kemmyn)

⁷ rakhenna awottavy owth ystynn ow leuv er dha bynn ha'th ri avel preydh dhe'n kenedhlow. My a'th tregh dhiworth an poblow ha'th tilea dhiworth an powyow; my a'th tistru; ha hwi a woer my dhe vos an Arloedh.

Ezekiel 25:7 ပူးပေါင်းရင်းမြစ်များ

Sefania 1:4

My a ystynn ow leuv erbynn Yuda hag erbynn an drigoryon oll a Yerusalem; ha my a dregh remenant Baal dhiworth an tyller ma ha hanow an Kemarim gans an oferysi;

Ezekiel 25:16

rakhenna yndellma y lever an Arloedh Duw, Awottavy owth ystynn ow leuv erbynn an Filistysi, hag ow treghi an Kerethysi, hag ow tistrui remenant an arvor.

Ezekiel 25:13

rakhenna yndellma y lever an Arloedh Duw, My a ystynn ow leuv erbynn Edom, ha treghi dhiworto den ha best; ha my a'n gwra tyller a vagoryow; dhiworth Teman bys Dedan i a goedh der an kledha.

Ezekiel 35:3

ha lavar dhodho, Yndellma y lever an Arloedh Duw: Ottavy er dha bynn, A venydh Seir, ha my a ystynn ow leuv er dha bynn, ha'th wul difeyth hag ynyal.

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Ysay 33:4

Preydh a vydh kuntellys kepar dell ve gans an lokust; avel hes a lokustes i a lamm warnodho.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Ezekiel 21:32

Y fydhydh keunys rag an tan, dha woes a vydh yn kres an tir; ny vydhydh kovhes na fella, rag my an Arloedh re gewsis.

Ezekiel 26:5

Y fydh tyller rag lesa roesow yn kres an mor; rag my re gewsis, yn-medh an Arloedh Duw. Hi a vydh preydh dhe'n kenedhlow,

Ezekiel 25:10

My a's re war-barth gans an Ammonysi dhe vebyon an est avel perghennogeth, ma na vo kovhes an Ammonysi na fella yn mysk an kenedhlow;