Ezekiel 24:6 - An Bibel Kernewek 20234 (Kernewek Kemmyn)

⁶ Rakhenna yndellma y lever an Arloedh Duw: Go-hi an sita woesek, kalter gans gossen ynni, ha'y wossen ny a dhiworti! Kemmer an kig dhiworti tamm ha tamm, heb tewlel koelbrenn.

Ezekiel 24:6 ပူးပေါင်းရင်းမြစ်များ

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

2 Myghternedh 24:3

Yn sur hemma a dheuth war Yuda herwydh gorhemmynn an Arloedh, rag aga hemmeres yn-mes dhiworth y wolok, drefenn oll peghosow Manasse a wrug,

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

Yeremia 2:22

Rag kynth omwolghydh gans natron, ha kemmeres dhis meur a sebon, hwath dha anewnder a bes avel mostenn a-ragov, yn-medh an Arloedh Duw.

Yeremia 6:29

An meginow a hwyth, an plomm yw kowlleskys gans an tan; an teudher a deudh yn euver; rag nyns yw an debeles terrys dhe-ves.

Ezekiel 11:11

Ny vydh hi kalter ragowgh, na ny vydhowgh kig a-berth ynni; yn oryon Ysrael my a'gas breus.

Ezekiel 11:3

Yn-medhons, “Nyns yw ogas an termyn rag drehevel chiow; an sita yw an galter ha ni yw an kig.”

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 22:2

Ty, A vab den, a vreusydh? A vreusydh an sita woesek? Gwra godhvedhys dhedhi oll hy thaklow kasadow.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:3

Lavar, Yndellma y lever an Arloedh Duw: Sita usi ow skoellya goes yn hy kres, may teffo hy thermyn, hag owth omdhefola dre wul idolys.

Ezekiel 24:3

Gwra parabolenn rag an chi diwostydh ma, ha lavar dhedha, Yndellma y lever an Arloedh Duw: Sett an chek, sett an chek, diver dowr ynno ynwedh.

Ezekiel 24:9

Rakhenna yndellma y lever an Arloedh Duw: Go-hi an sita woesek! My ynwedh a wra bern bras a brenn.

Yoel 3:3

I re dewlis prenn rag ow fobel, ha kenwertha mebyon rag horys, ha gwertha mowesi rag gwin, mayth effens.

Obadia 1:11

Y'n jydh may sevsys a-denewen, y'n jydh may hwrug alyons kemmeres y lu yn keth, hag estrenyon a dheuth bys dh'y yetys, ha tewlel prenn war Yerusalem, ty ynwedh o kepar hag onan anedha.

Yona 1:7

Hag yn-medhons an eyl dh'y gila, ‘Dewgh, tewlyn ni prenn, may fo godhvedhys dhyn piw yw dhe vlamya, an drog ma dhe vos devedhys warnan.’ Ytho i a dewlis prenn, ha'n prenn a goedhas war Yona.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Nahum 3:1

Go-hi an sita woesek! Hi oll yw leun a wowyow hag a breydh; ny hedh an pylla.

Nahum 3:10

Byttegyns hi ynwedh eth yn divroedh, hi eth yn kethneth: ynwedh hy fleghes a veu terrys dhe demmyn dhe benn an stretys oll: i a dewlis prenn rag hy thus wordhi, ha'y thus vras oll a veu kelmys yn kargharow.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Dewteronomi 23:13

hag y fydh lo-balas y'th taffar, ha pan esedhydh a-ves, ty a bal toll gensi; ena treyl a-dro ha kudh dha gawgh.

Yoshua 10:22

Yoshua a leveris, ‘Igerewgh ganow an kav ha drewgh yn-mes dhymm an pymp myghtern ma dhiworth an kav.’

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’