Ezekiel 24:3 - An Bibel Kernewek 20234 (Kernewek Kemmyn)

³ Gwra parabolenn rag an chi diwostydh ma, ha lavar dhedha, Yndellma y lever an Arloedh Duw: Sett an chek, sett an chek, diver dowr ynno ynwedh.

Ezekiel 24:3 ပူးပေါင်းရင်းမြစ်များ

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

Salmow 78:2

My a iger ow ganow yn parabolenn, my a lever lavarow tewl a'n termyn koth;

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Yeremia 1:13

Ha ger an Arloedh a dheuth dhymm y'n nessa prys, ow leverel, ‘Pandr'a welydh?’ Ha my a leveris, ‘My a wel kalter ow pryjyon; ha'n fas anodho yma dhe'n gogledh.’

Yeremia 1:14

Ena an Arloedh a leveris dhymm: Yn-mes a'n gogledh tebeledh a wra tardha war oll annedhysi an tir.

Ezekiel 11:11

Ny vydh hi kalter ragowgh, na ny vydhowgh kig a-berth ynni; yn oryon Ysrael my a'gas breus.

Ezekiel 11:3

Yn-medhons, “Nyns yw ogas an termyn rag drehevel chiow; an sita yw an galter ha ni yw an kig.”

Ezekiel 11:7

Rakhenna yndellma y lever an Arloedh Duw: An korfow re worrsowgh y'n kres anedhi, i yw an kig, ha hi yw an galter, mes my a'gas dre yn-mes dhiworti.

Ezekiel 12:2

Mab den, yth esos trigys yn kres chi diwostydh. Yma dhedha dewlagas dhe weles mes ny welons, yma dhedha diwskovarn dhe glewes mes ny glewons, rag chi diwostydh yns i.

Ezekiel 12:25

Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 17:12

Lavar dhe'n chi diwostydh, A ny wodhowgh styr an taklow ma? Lavar, Otta myghtern Babylon a dheuth dhe Yerusalem ha kemmeres hy myghtern ha'y fennsevigyon, ha'ga dri ganso dhe Babylon.

Ezekiel 17:2

Mab den, dro allegori yn-rag, ha lavar parabolenn dhe ji Ysrael.

Ezekiel 2:2

An Spyrys a entras ynnov pan gewsis dhymm, ha'm settya war ow threys, ha my a'n klewas ow kewsel dhymm.

Ezekiel 2:3

Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Ezekiel 2:5

Hag i, mar koslowons po mar skonyons (rag chi diwostydh yns i) byttegyns i a woer y feu profoes yn aga mysk.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Ezekiel 2:8

Mes ty, A vab den, goslow orth an pyth esov orth y gewsel orthis. Na vydh rebell avel an chi diwostydh na; igor dha anow ha deber an pyth esov ow ri dhis.

Ezekiel 20:49

Ena yn-medhav, ‘Ogh, Arloedh Duw, ymons ow leverel dhymm, “A nyns usi ow leverel parabolennow?” ’

Ezekiel 24:6

Rakhenna yndellma y lever an Arloedh Duw: Go-hi an sita woesek, kalter gans gossen ynni, ha'y wossen ny a dhiworti! Kemmer an kig dhiworti tamm ha tamm, heb tewlel koelbrenn.

Ezekiel 3:9

Avel adamant kreffa ages kellester, re wrugavy dha dal. Na borth own anedha, na bos digolonnek drefenn aga fasow, rag chi diwostydh yns i.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Mark 12:12

Hag i a hwila settya dalghenn ynno, mes own a's teva a'n routh, rag i a wodhva ev dhe gewsel an barabolenn er aga fynn i, hag i a'n gasas, ha mos dhe-ves.

Luk 8:10

Hag ev a leveris, ‘Dhy'hwi yw grontys aswonn kevrinyow gwlaskor Duw, mes dhe'n re erell dre barabolennow, rag may firons heb gweles, ha rag may klewons heb konvedhes.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.