Ezekiel 24:24 - An Bibel Kernewek 20234 (Kernewek Kemmyn)

²⁴ Ezekiel a vydh tokyn dhywgh; hwi a wra kepar ha pup-tra a wrug ev. Pan hwyrvydh, hwi a woer my dhe vos an Arloedh Duw.

Ezekiel 24:24 ပူးပေါင်းရင်းမြစ်များ

Ezekiel 4:3

Ha ty, kemmer ragos horn-pobas ha gorr e avel fos horn yntra ty ha'n sita; treyl dha fas er hy fynn, ha hi a vydh yn-dann esedhva, ha ty a wra esedhva er hy fynn. Hemma a vydh tokyn dhe ji Ysrael.

Ezekiel 12:11

Lavar, ‘My yw tokyn ragowgh: kepar dell wrug vy, yndella y fydh gwrys dhedha i. Yth ons yn divroedh, yn kethneth.’

Ezekiel 6:7

An re ledhys a goedh yn agas mysk, ha hwi a woer my dhe vos an Arloedh.

Ysay 20:3

Ena an Arloedh a leveris, ‘Kepar dell esa ow gwas Ysay ow kerdhes noeth ha dieskis avel tokyn erbynn Ejyp ha Kush,

Yowann 16:4

Mes my re leveris an taklow ma dhywgh, rag may perthowgh kov, pan dheu aga eur, my dhe gewsel orthowgh anedha. ‘Ny leveris vy an taklow ma a'n dalleth, drefenn ow bos genowgh.

Yowann 14:29

Ha lemmyn my re'n leveris dhywgh kyns ev dhe hwarvos, rag may kryssowgh pan hwer.

Yowann 13:19

Lemmyn my a lever dhywgh kyns y hwarvos, rag may kryssowgh pan hwarva, my dh'y vos.

Luk 21:13

Hemma a vydh chons dhywgh rag doen dustuni.

Ezekiel 25:17

My a dal warnedha dial bras gans kessydhyans konneryek. Ena i a woer my dhe vos an Arloedh, pan dalav ow dial warnedha.

Ezekiel 25:14

My a dal ow dial war Edom dre leuv ow fobel Ysrael, hag i a wra yn Edom war-lergh ow sorr ha'm konnar; hag i a woer ow dial, yn-medh an Arloedh Duw.

Ezekiel 25:11

ha my a wra breus erbynn Moab; ena i a woer my dhe vos an Arloedh.

Ezekiel 25:7

rakhenna awottavy owth ystynn ow leuv er dha bynn ha'th ri avel preydh dhe'n kenedhlow. My a'th tregh dhiworth an poblow ha'th tilea dhiworth an powyow; my a'th tistru; ha hwi a woer my dhe vos an Arloedh.

Ezekiel 25:5

My a wra Rabba peurva rag kowrvergh, hag Ammon growedhva rag deves. Ena hwi a woer my dhe vos an Arloedh.

Ezekiel 17:24

Ena oll gwydh an gwel a woer my dhe vos an Arloedh. My a dhre dhe'n leur an wydhenn hir hag ughelhe an wydhenn isel, my a dhesygh an wydhenn las, ha gul dhe'n wydhenn sygh skylla; My an Arloedh re gewsis ha my a'n gwra.

Ezekiel 12:6

Gwra aga drehevel war dha skoedh a-wel dhedha, ha'ga dri yn-mes y'n tewlder. Kudh dha fas, rag na welli an tir; rag my re'th wrug tokyn dhe ji Ysrael.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Yeremia 17:15

Ottensi ow leverel dhymm, ‘Ple'ma ger an Arloedh? Des lemmyn!’

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Ezekiel 20:44

Hwi a woer my dhe vos an Arloedh pan wrav vy yn ta genowgh a-barth ow hanow, a-der war-lergh agas drog fordhow ha'gas gwriansow legrys, a ji Ysrael, yn-medh an Arloedh Duw.