Ezekiel 24:22 - An Bibel Kernewek 20234 (Kernewek Kemmyn)

²² Ha hwi a wra kepar dell wrugavy; ny gudhowgh ages minvlew na dhybri bara gynoryon.

Ezekiel 24:22 ပူးပေါင်းရင်းမြစ်များ

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Salmow 78:64

Aga oferysi a veu ledhys gans an kledha, ha ny gynis aga gwedhwesow.

Job 27:15

An re yw gesys a vydh dres dhe'n bedh gans an pla, ha ny vydh gwedhwesow owth oela ragdha.

Levitikus 13:45

Ha'n klavorek hag ynno an pla, y dhillas a vydh skwardys, ha gols y benn a vydh ow kregi lows, hag ev a gudh y vinvlew ha kria ‘Avlan! Avlan!’

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 24:23

Agas tulyfantys a vydh war agas pennow, ha'gas sandalyow war agas treys. Ny gynowgh na ny oelowgh, mes hwi a wra pedri yn agas kammweythresow, ha hanasa an eyl dh'y gila.