Ezekiel 24:17 - An Bibel Kernewek 20234 (Kernewek Kemmyn)

¹⁷ Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Ezekiel 24:17 ပူးပေါင်းရင်းမြစ်များ

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

Levitikus 21:10

Ha neb yw an arghoferyas yn mysk y vreder, may feu dinewys war y benn oyl an untyans, hag yw sakrys dhe wiska an dillas, ny wra ev diskudha y benn na skwardya y dhillas.

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Habakkuk 2:20

Mes yma'n Arloedh yn y dempel sans: tewes a-dheragdho oll an nor!

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Levitikus 13:45

Ha'n klavorek hag ynno an pla, y dhillas a vydh skwardys, ha gols y benn a vydh ow kregi lows, hag ev a gudh y vinvlew ha kria ‘Avlan! Avlan!’

Matthew 9:23

Ha pan veu Yesu devedhys dhe ji an rewler ha gweles an biboryon, ha'n routh ow kul tros,

Ysay 20:2

y'n termyn na an Arloedh a gewsis der Ysay mab Amos, ow leverel, ‘Ke ha destrypp an yskar a-dhiwar dha dhiwglun, ha digolm dha sandalyow dhiworth dha dreys.’ Hag ev a'n gwrug, ow kerdhes noeth ha dieskis.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Ezekiel 24:18

Ytho myttin my a gewsis orth an bobel, ha'm gwreg a verwis y'n gorthugher. Ternos myttin my a wrug par dell veu erghys dhymm.

Ezekiel 44:18

Y fydh tulyfantys a lien war aga fenn, ha lavrek a lien war aga dhiwglun; ny omwrogysons gans travyth a wra dhedha hwysa.