Ezekiel 24:13 - An Bibel Kernewek 20234 (Kernewek Kemmyn)

¹³ Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Ezekiel 24:13 ပူးပေါင်းရင်းမြစ်များ

Ezekiel 22:24

Mab den, lavar dhedhi, Ty yw dor ma na goedhas glaw warnodho, na kowasow y'n jydh a sorrvann.

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Sefania 3:2

Ny obayas hi lev vytholl; ny dhegemmeras dyskybleth; ny drestyas y'n Arloedh; ny nesas dh'y Duw.

Ezekiel 16:42

My a gyv powes a'm sorr warnas, ha'm avi a dreyl dhiworthis; my a vydh kosel, ha ny vydhav serrys arta.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’

Sefania 3:7

My a leveris, ‘Ty a' fydh own ahanav yn surredi; ty a dhegemmer dyskybleth’; ena ny via hy annedh treghys dhe-ves gans an kessydhyans oll a wrav er hy fynn. Mes i a omdhegi yn freth, legrys oll aga gwriansow.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Ezekiel 24:11

Ena sett an chek gwag war an regydh rag may fo poeth, ha'y gober leskys, may teuttho y avlander a-berth ynno, ha may fo y wossen konsumys.

Yeremia 31:18

Yn hwir my re glewas Efraym ow pledya: ‘Ty a'm kessydhyas, ha my a gemmeras an geredh, avel lodhen na veu dyskys dhe'n yew. Treyl dhymm, ha my a vydh treylys, rag ty yw an Arloedh ow Duw.

Ysay 22:14

Arloedh an luyow re dhiskudhas hemma y'm diwskovarn: Yn tevri ny vydh prenedh dhywgh rag an anewnder ma erna verwowgh, yn-medh an Arloedh, Duw an luyow.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Zekaria 6:8

Ena ev a'm gelwis ha kewsel orthiv, ‘Mir, an re na esa ow mos yn-mes dhe'n tir kledh re ros powes dhe'm spyrys yn tir kledh.’

Levitikus 13:55

Ha'n oferyas a hwither an pla wosa y vos golghys, ha mar ny wrug an pla chanjya y semlans ha ny wrug an pla omlesa, avlan yw. Ty a'n lesk y'n tan. Poder yw, war an keyn po war an tu a-rag kyn fo.

Levitikus 14:43

Ha mar teu an pla arta hag omdhiskwedhes y'n chi wosa bos an meyn kemmerys dhe-ves, ha wosa bos an chi krevys ha plastrys,

Yeremia 13:27

My re welas dha avoutri, ha'th kryghias, avlander dha horyans, dha daklow kasadow war an breow y'n gwel. Go-jy, A Yerusalem! Pes termyn kyns dha vos glan?

Kynvannow 5:22

po a wruss'ta devri agan denagha yn tien? A wruss'ta serri orthyn dres musur?

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.