Ezekiel 24:11 - An Bibel Kernewek 20234 (Kernewek Kemmyn)

¹¹ Ena sett an chek gwag war an regydh rag may fo poeth, ha'y gober leskys, may teuttho y avlander a-berth ynno, ha may fo y wossen konsumys.

Ezekiel 24:11 ပူးပေါင်းရင်းမြစ်များ

Yeremia 21:10

Rag my re worras ow fas erbynn an sita ma rag drog, a-der rag da, yn-medh an Arloedh: res vydh yn dorn myghtern Babylon, hag ev a's lesk gans tan.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Ysay 1:25

My a dreyl ow leuv er dha bynn; my a burj dhe-ves dha blosedhes kepar ha gans lisiw, ha kemmeres yn-mes oll dha atal.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Yeremia 39:8

An Kaldeanys a loskas chi an myghtern ha chiow an bobel gans tan, hag i a dorras fosow Yerusalem.

Yeremia 38:18

Mes mar nyns edh yn-mes dhe bennsevigyon myghtern Babylon, ena an sita ma a vydh res yn leuv an Kaldeanys, hag i a's lesk gans tan, ha ty ny dhienkydh a'ga leuv.’

Yeremia 37:10

Hwath mar fethsowgh lu kowal an Kaldeanys a omladh er agas pynn, ha ny wortas marnas gwer wanyes, pubonan yn y dylda, i a sev ha leski an sita ma gans tan.

Yeremia 32:29

An Kaldeanys neb a omladh erbynn an sita ma a dheu ha gorra tan ynni ha'y leski, war-barth gans an chiow may feu offrynnys ynkys dhe Baal war aga thohow hag offrynnow diwes dinewys dhe dhuwow erell dhe'm provokya dhe sorr.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ezekiel 24:10

Bern an prenn, enow an tan; kegin an kig yn ta, diver an kowl; bedhes an eskern leskys.