Ezekiel 23:5 - An Bibel Kernewek 20234 (Kernewek Kemmyn)

⁵ Ohola o hora pan o hi dhymm, ha hi a hwansa hy herysi assyriek – kasoryon,

Ezekiel 23:5 ပူးပေါင်းရင်းမြစ်များ

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 15:26

Ev a wrug an pyth o drog yn golok an Arloedh, ow kerdhes yn fordh y das hag y'n pegh a wrug ev dhe Ysrael y wul.

1 Myghternedh 15:30

Hemma a hwarva drefenn an peghosow a wrug Yeroboam hag a wrug dhe Ysrael aga gul, ha drefenn an sorr may frosas an Arloedh, Duw Ysrael, dhodho.

1 Myghternedh 21:26

Ev a faryas yn kasadow owth holya idolyow, par dell wrussa an Amorysi, neb a veu herdhys yn-mes gans an Arloedh a-rag an Ysraelysi.)

2 Myghternedh 15:19

Ha Pul myghtern Assyria a dheuth erbynn an tir; Menahem a ros dhe Pul deg mil dalent a arghans, may halla ev y weres ow fastya y dhalghenn war a'n ruvaneth.

2 Myghternedh 16:7

Ahaz a dhannvonas kannasow dhe Tiglath-pileser myghtern Assyria, ow leverel, ‘Dha was ha dha vab ov. Deus yn-bann ha saw vy dhiworth leuv myghtern Aram ha dhiworth leuv myghtern Ysrael a omsett er ow fynn.’

2 Myghternedh 17:3

Shalmaneser myghtern Assyria a dheuth yn-bann er y bynn; Hoshea re bia y omajer ha re rosa trubyt dhodho.

Yeremia 50:38

Syghor erbynn hy dowrow, may fons desyghys! Rag yth yw tir a imajys gravys, hag i yw foll yn aga idolyow.

Ezekiel 16:28

Ty a wrug fornikasyon gans mebyon Assyria ynwedh, rag ty dhe vos heb dha walgha; ty a wrug fornikasyon gansa ha hwath ny veus gwalghys.

Ezekiel 16:37

rakhenna, awottavy ow kuntell oll dha garoryon a gevsys plesour gansa, hag oll myns a gersys, hag oll myns a gessys, ha my a's kuntell er dha bynn a bub tenewen, ha my a dhiskudh dha noethedh a-ragdha, hag i a wel oll dha brivita.

Ezekiel 23:12

Hi o hwansek dhe vebyon Assyria, governours ha kaslewydhyon, breselysi dillasys yn splann, marghogyon ow marghogeth war vergh, i oll gwer yowynk desiradow.

Ezekiel 23:16

Kettell y's gwelas gans hy dewlagas hi a's hwansas, ha dannvon kannasow dhedha yn Kaldea.

Ezekiel 23:20

Ena hi a hwansas war-lergh hy herysi, mayth o aga halgh haval dhe galgh asenes, ha'ga dyllans haval dhe dhyllans mergh.

Ezekiel 23:4

Aga henwyn o Ohola an kottha, hag Oholiba hy hwoer. Yth esens dhymm, hag i a dhineythis mebyon ha myrghes. Yndella yw aga henwyn: Samaria yw Ohola, ha Yerusalem yw Oholiba.

Ezekiel 23:7

Hi a ros hy fornikasyon dhedha, flour mebyon Assyria, ha hi a omdhefolas gans oll aga idolys esa hwansek dhedha.

Ezekiel 23:9

Rakhenna my a's ros yn leuv hy herysi, yn leuv mebyon Assyria esa hwansek dhedha.

Hosea 10:6

Ev ynwedh a vydh dres dhe Assyria avel ro dhe'n myghtern meur. Efraym a'n jevydh meth, hag Ysrael a vydh methek a'y gusul.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.