Ezekiel 23:34 - An Bibel Kernewek 20234 (Kernewek Kemmyn)

³⁴ Ty a'n yv, ha'y waska yn-mes; ty a'n brew yn darnow, ha ty a skward dha dhiwvronn; rag my re gewsis, yn-medh an Arloedh Duw.

Ezekiel 23:34 ပူးပေါင်းရင်းမြစ်များ

Salmow 75:8

Rag yn leuv an Arloedh yma hanaf, hag ewynek yw an gwin, kemmyskys yn leun, hag ev a dhinwa anodho. Mes an godhes anodho, oll tebeles an nor a'n lenk ha'y eva.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Ezekiel 23:8

Ny asas hy fornikasyon a-dhia hy thermyn yn Ejyp, rag yn hy yowynkneth yth esa gwer ow krowedh gensi; i a waska hy diwvronn wyrgh ha diveri aga lust warnedhi.

Ezekiel 23:3

horys ens i yn Ejyp; yn aga yowynkneth yth esens horys. Ena aga diwvronn o gweskys, hag ena aga bronnow gwyrgh o palvyes, ha tethow aga gwyrghsys handlys.

Salmow 75:9

Mes my a'n deriv bynitha, ha kana gormola dhe Dhuw Yakob.

Ezekiel 22:14

A yll sev dha golonn sevel, po a vydh dha dhiwla krev rag an dydhyow may hwrav vy dha dhyghtya? My an Arloedh re gewsis, ha my a'n gwrav.