Ezekiel 23:18 - An Bibel Kernewek 20234 (Kernewek Kemmyn)

¹⁸ Pan esa hi ow kul hy fornikasyon yn igor, hag ow tiskudha hy noethedh, my a dreylyas dhiworti divlasys, kepar dell dreylis divlasys dhiworth hy hwoer.

Ezekiel 23:18 ပူးပေါင်းရင်းမြစ်များ

Yeremia 12:8

Ow ertach yw ragov avel lew y'n goeswik; kria a wra er ow fynn: ytho my a'n kas.

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 78:59

Pan glewas Duw hemma, serrys veu, hag ev a dhispresyas Ysrael yn feur.

Ezekiel 21:24

Rakhenna yndellma y lever an Arloedh Duw: Rag hwi dhe dhri agas kammweyth dh'agas kovadh, dre dhiskudhans agas kammweythresow, may fo gweladow agas peghosow yn oll agas drogoberow – rag hwi dhe dhri hemma dhe govadh, hwi a vydh kemmerys yn leuv an eskar.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Yeremia 6:8

Bedhes dyskys, A Yerusalem, ma na dreyllyo ow enev divlasys ahanas; ma na'th wrav ynyal, tir anannedhys.

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Amos 6:8

An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.

Amos 5:21

Kasa ha dispresya agas goelyow a wrav, ha ny garav sawer agas kuntellesow solem.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Ezekiel 16:36

Yndellma y lever an Arloedh Duw: Drefenn bos dha meth diverys, ha dha noethedh diskudhys y'th fornikasyon gans dha garoryon, ha drefenn oll dha idolys kasadow, ha drefenn goes dha vebyon a resys dhedha,

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Dewteronomi 32:19

Mes an Arloedh a welas ha'ga skonya, serrys gans y vebyon ha'y vyrghes.

Ysay 57:8

A-dryv an daras ha'n postow-daras ty re worras dha dokyn. Orth ow forsakya vy, ty a dhiskudhas dha weli, hag yskynna ynno ha'y igeri a-les; ty re wrug kevambos gansa ragos, ty a garas aga gweli, ha mires orth aga leuv.

Ezekiel 23:9

Rakhenna my a's ros yn leuv hy herysi, yn leuv mebyon Assyria esa hwansek dhedha.

Ezekiel 23:10

I a dhiskudhas hy noethedh; i a gemmeras hy mebyon ha'y myrghes hag i a's ladhas gans an kledha. Hi a's tevo hanow yntra benynes, ha breus a veu gwrys er hy fynn.

Ezekiel 23:19

Mes hi a ynkressyas hy fornikasyon, ow perthi kov a dhydhyow hy yowynkneth, pan o hora yn pow Ejyp.