Ezekiel 23:11 - An Bibel Kernewek 20234 (Kernewek Kemmyn)

¹¹ Hy hwoer Oholiba a welas hemma, mes hi a veu moy legrys agessi hi yn hy lust, ha'y fornikasyon o gweth ages fornikasyon hy hwoer.

Ezekiel 23:11 ပူးပေါင်းရင်းမြစ်များ

Jenesis 38:24

A-dro dhe dri mis wosa hemma, y feu derivys dhe Yuda ow leverel, ‘Tamar, dha wohydh re dheuth ha bos hora, ha, moy es henna, hi re gonsevyas dre horyans.’ Yn-medh Yuda, ‘Drewgh hi yn-mes dhe vos leskys.’

2 Kroniklys 21:11

Dres henna ev a wrug tylleryow ughel yn bro venydhyek Yuda, hag a ledyas trigoryon Yerusalem yn gordhyans idolys, hag a ledyas Yuda yn sowdhan.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Ezekiel 23:4

Aga henwyn o Ohola an kottha, hag Oholiba hy hwoer. Yth esens dhymm, hag i a dhineythis mebyon ha myrghes. Yndella yw aga henwyn: Samaria yw Ohola, ha Yerusalem yw Oholiba.