Ezekiel 22:9 - An Bibel Kernewek 20234 (Kernewek Kemmyn)

⁹ Ynnos re beu tus ow sklandra dhe skoellya goes; ynnos re beu tus ow tybri war an menydhyow; i re wrug tra vethus y'n kres ahanas.

Ezekiel 22:9 ပူးပေါင်းရင်းမြစ်များ

Salmow 101:5

Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

Salmow 106:28

Hag i a lenas orth Baal-peor, ha dybri offrynnow an re varow.

Salmow 50:20

Ty a esedh ha kewsel erbynn dha vroder; ty a guhudh mab dha vamm.

Eksodus 20:16

Na wra fals dhustuni erbynn dha gentrevek.

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Lavarow Koth 10:18

Neb a gudh kas a'n jeves diwweus a wowegneth, ha neb a lever sklander yw foll.

Lavarow Koth 18:8

Geryow hwystrer yw haval dhe demmigow sawrek; i a yn-nans dhe'n rannow a-bervedh.

Lavarow Koth 26:22

Geryow hwystrer yw haval dhe demmigow sawrek; i a yn-nans dhe rannow a-bervedh an korf.

Yeremia 6:28

I oll yw rebellys worth, ow kerdhes gans sklanderyow: brest ha horn yns i; meschyv a wrons i oll.

Yeremia 9:4

Bedhewgh war peub a'y gentrevek, ha na fydhyewgh yn broder vyth: rag pub broder yw purra toeller, ha pub kentrevek a wra kerdhes gans sklanderyow.

Ezekiel 11:6

Hwi re ladhas lies y'n sita ma, ha lenwel hy stretys a gorfow.

Ezekiel 16:43

Drefenn na berthsys kov a dhydhyow dha yowynkneth, mes ty a'm sorras gans oll an taklow ma, otta, my ynwedh a attal dha fordh war dha benn, yn-medh an Arloedh Duw. A ny wrussys vilta dres oll dha daklow kasadow?

Ezekiel 18:11

(kyn na wrug an tas nagonan anedha), mes ynwedh ev a dheber war an menydhyow ha defola gwreg y gentrevek,

Ezekiel 18:15

neb na dheber war an menydhyow, na drehevel y dhewlagas dhe idolys chi Ysrael, na defola gwreg y gentrevek,

Ezekiel 18:6

mar ny dheber war an menydhyow, na drehevel y dhewlagas dhe idolys chi Ysrael, na defola gwreg y gentrevek, na dos nes dhe wreg yn hy amseryow,

Ezekiel 23:29

I a'th tyght yn envi, ha kemmeres oll frut dha lavur. I a wra dha asa lomm ha noeth, ha noethedh dha fornikasyon a vydh diskudhys, dha vilta ha'th fornikasyon.

Ezekiel 24:13

Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Hosea 4:10

I a wra dybri ha ny vons lenwys; i a dheu ha bos horys ha ny ynkressyons, rag i dhe asa obaya dhe'n Arloedh.

Hosea 4:14

Ny wrav vy kessydhya agas myrghes pan wrons fornikasyon, na'gas gohydhow pan wrons avoutri, rag an wer a slynk dhe-ves gans horys, ha sakrifia gans horys-tempel: pobel heb konvedhes a vydh diswrys.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Hosea 7:4

I oll yw avoutroryon, avel forn toemmhes gans peber, neb a astel dhe wul dhe'n tan difuna wosa ev dhe doesa toes, bys pan dhrehaffo.

Levitikus 19:16

Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 26:59

Ha'n bennoferysi hag oll an Sanhedrin a hwila fals dhustuni erbynn Yesu rag y worra dhe'n mernans,

Oberow 24:13

na ny yllons i gul prov dhis a-dro dhe'n taklow ma'm kuhudhons lemmyn.

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Breusysi 20:6

Ena my a gemmeras ow iswreg hag a's troghas yntra rannow, hag a's dannvonas der oll pow eretons Ysrael, rag i re wrussa tra dhivlas yn Ysrael.

1 Samuel 24:10

Y'n jydh hedhyw dha dhewlagas re welas fatell y'th ros an Arloedh a-berth y'm leuv a-ji dhe'n kav; ha leverys veu dhymm dhe'th ladha; mes my a'th sparyas. Yn-medhav “Ny vynnav ystynn ow leuv erbynn ow arloedh; rag ev yw untys an Arloedh.”