Ezekiel 22:6 - An Bibel Kernewek 20234 (Kernewek Kemmyn)

⁶ Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 22:6 ပူးပေါင်းရင်းမြစ်များ

Nehemia 9:34

Ny withas agan tasow, agan myghternedh, agan hembrenkysi ha'gan oferysi dha lagha, na woslowsons orth dha worhemmynnow ha'th warnyansow a resys dhedha.

Lavarow Koth 30:14

Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Ezekiel 21:12

Garm hag oul, A vab den, rag yth yw erbynn ow fobel, yth yw erbynn oll pennsevigyon Ysrael. Tewlys yns dhe'n kledha war-barth gans ow fobel. Rakhenna hwett dha vordhos!

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:3

Lavar, Yndellma y lever an Arloedh Duw: Sita usi ow skoellya goes yn hy kres, may teffo hy thermyn, hag owth omdhefola dre wul idolys.

Ezekiel 45:8

An tir ma a vydh y berghennogeth yn Ysrael. Ny wra ow fennsevigyon arwaska ow fobel na fella, mes i a re an tir dhe ji Ysrael war-lergh aga loethow.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Sefania 3:4

Direwl yw hy frofoesi, falswesyon; hy oferysi re dhefolas an sentri, i re shyndyas an lagha.

Zekaria 3:3

Lemmyn, Yoshua a veu gwiskys yn dillas plos pan esa ow sevel a-rag an el.