Ezekiel 22:4 - An Bibel Kernewek 20234 (Kernewek Kemmyn)

⁴ Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Ezekiel 22:4 ပူးပေါင်းရင်းမြစ်များ

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

Ezekiel 22:2

Ty, A vab den, a vreusydh? A vreusydh an sita woesek? Gwra godhvedhys dhedhi oll hy thaklow kasadow.

Ezekiel 16:57

kyns bos dha sherewynsi diskudhys? Lemmyn ty yw testenn a skorn dhe vyrghes Aram, hag oll hy hentrevogyon, dhe vyrghes an Filistysi – myns eus oll a-dro dhis.

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Yeremia 44:8

orth ow frovokya dhe sorr gans ober agas diwleuv, ow leski offrynnow dhe dhuwow erell yn pow Ejyp, le may teuthewgh dhe driga, rag distrui agas honan, ha bos molleth ha keredh yn mysk oll kenedhlow an nor?

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 18:16

ow kul aga thir tra euthyk, ha ges bys vykken. Pubonan neb a dremen a vydh skruthys, hag a shak y benn.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

2 Kroniklys 7:20

ena my a'th tiwreydh dhiworth an tir a res vy dhis; ha'n chi ma a sakris rag ow hanow my a dewl yn-mes a'm golok, ha my a'n wra henlavar ha ges yn mysk oll an poblow.

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

Niverow 32:14

Hag otta, hwi re sevis yn le agas tasow, bagas a beghadoryon, dhe gressya hwath moy sorr fers an Arloedh erbynn Ysrael.

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Ezekiel 23:7

Hi a ros hy fornikasyon dhedha, flour mebyon Assyria, ha hi a omdhefolas gans oll aga idolys esa hwansek dhedha.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 24:7

Rag yma an goes a skoellyas a-berth ynni; hi a'n dinewis war garrek lomm; ny'n diveris war an dor dh'y gudha gans doust.

Ezekiel 24:8

Dhe dhri ow sorr yn-bann, dhe dyli dial, my re worras an woes a skoellyas war garrek lomm, ma na vo kudhys.

Ezekiel 36:15

Ny asav dhis klewes skorn an poblow namoy, na perthi keredh an kenedhlow namoy; ny wredh dhe'n genedhel trebuchya namoy, yn-medh an Arloedh Duw.