Ezekiel 22:3 - An Bibel Kernewek 20234 (Kernewek Kemmyn)

³ Lavar, Yndellma y lever an Arloedh Duw: Sita usi ow skoellya goes yn hy kres, may teffo hy thermyn, hag owth omdhefola dre wul idolys.

Ezekiel 22:3 ပူးပေါင်းရင်းမြစ်များ

2 Myghternedh 24:3

Yn sur hemma a dheuth war Yuda herwydh gorhemmynn an Arloedh, rag aga hemmeres yn-mes dhiworth y wolok, drefenn oll peghosow Manasse a wrug,

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ezekiel 12:25

Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 22:2

Ty, A vab den, a vreusydh? A vreusydh an sita woesek? Gwra godhvedhys dhedhi oll hy thaklow kasadow.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:4

Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 23:37

Rag i re wrug avoutri, hag yma goes war aga diwla. I re wrug avoutri gans aga idolys; ynwedh i re sakrifisons dhedha aga mebyon a dhineythsons dhymm, rag boes.

Ezekiel 23:45

Mes gwer wiryon a's breus kepar hag a vreusir avoutresow ha'n re a skoell goes; rag avoutresow yns, hag yma goes war aga diwla.

Ezekiel 23:7

Hi a ros hy fornikasyon dhedha, flour mebyon Assyria, ha hi a omdhefolas gans oll aga idolys esa hwansek dhedha.

Ezekiel 33:25

Rakhenna, lavar dhedha, Yndellma y lever an Arloedh Duw: Hwi a dheber kig gans an goes, ha drehevel agas dewlagas dh'agas idolys, ha skoellya goes. A eritowgh an tir?

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Mika 3:10

neb a dhrehav Sion gans goes ha Yerusalem gans kammhynseth.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.