Ezekiel 21:9 - An Bibel Kernewek 20234 (Kernewek Kemmyn)

⁹ Mab den, profoes ha lavar, Yndellma y lever an Arloedh: Lavar: Kledha! Kledha yw lymmys, hag ynwedh rutys splann,

Ezekiel 21:9 ပူးပေါင်းရင်းမြစ်များ

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Yeremia 15:2

Hag y hwyrvydh, mar leverons dhis, ‘Ple'th en alemma?’ Ena ty a lever dhedha: Yndellma y lever an Arloedh: Seul yw rag mernans, dhe'n mernans; ha seul yw rag an kledha, dhe'n kledha; ha seul yw rag an divoetter, dhe'n divoetter; ha seul yw rag an gethneth, dhe'n gethneth.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Job 20:25

Tennys yw hi, ha hi a dheu yn-mes a'y gorf, an bleyn ow lughesi a dheu yn-mes a'y vystel; browaghow a dheu warnodho.

Yeremia 46:4

Hernessyewgh an vergh; yskynnewgh, marghogyon! Kemmerewgh agas savleow gans agas basnettow, gwrewgh dh'agas lonsow lentri, gwiskewgh agas kaspowsyow.

Ezekiel 21:8

Ger an Arloedh a dheuth dhymm, ow leverel:

Job 9:22

Yth yw an keth tra; rakhenna y lavarav, ev dhe dhistrui ha'n den divlam, ha'n tebelwas.

Yeremia 47:7

Fatell yll bos kosel pan ros an Arloedh gorhemmynn? Erbynn Ashkelon hag erbynn an morrep – ena ev re'n erviras.

Ezekiel 21:4

Drefenn my dhe dreghi dhiworthis an den gwiryon ha'n tebelwas, gogledh.