Ezekiel 21:2 - An Bibel Kernewek 20234 (Kernewek Kemmyn)

² Mab den, sett dha fas troha Yerusalem; pregoth erbynn an sentris, ha profoes erbynn pow Ysrael,

Ezekiel 21:2 ပူးပေါင်းရင်းမြစ်များ

Ezekiel 20:46

Mab den, treyl dha fas troha'n soth, ha profoes erbynn koeswik gwel an Negeb.

Ezekiel 4:7

Treyl dha fas troha esedhva Yerusalem, ha gans bregh lommhes ty a brofoes er hy fynn.

Ezekiel 28:21

Mab den, treyl dha fas troha Sidon, ha profoes er hy fynn,

Ezekiel 25:2

Mab den, sett dha fas troha an Ammonysi ha profoes er aga fynn.

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Mika 2:6

‘Na brofoesewgh yn transyek’ yn-medhons i yn transyek. ‘Ny dhegoedh profoesa a'n taklow ma; ny dheu disenor warnan.’

Amos 7:16

Ha lemmyn, klew ger an Arloedh: Ty a lever, “Na wra profoesa erbynn Ysrael, ha na bredhek erbynn chi Ysak.”

Ezekiel 38:2

Mab den, sett dha fas erbynn Gog, tir Magog, chyf pennsevik Meshek ha Tubal, ha profoes er y bynn,

Ezekiel 36:1

Ha ty, A vab den, profoes dhe venydhyow Ysrael, ha lever: Klewewgh ger an Arloedh.

Ezekiel 29:2

Mab den, treyl dha fas erbynn Faro myghtern Ejyp, ha profoes er y bynn hag erbynn oll Ejyp.

Ezekiel 6:2

Mab den, sett dha fas war-tu ha menydhyow Ysrael, ha profoes dhedha,

Ezekiel 4:3

Ha ty, kemmer ragos horn-pobas ha gorr e avel fos horn yntra ty ha'n sita; treyl dha fas er hy fynn, ha hi a vydh yn-dann esedhva, ha ty a wra esedhva er hy fynn. Hemma a vydh tokyn dhe ji Ysrael.

Dewteronomi 32:2

Ow dyskans a dhropp avel an glaw, ha'm lavar a dhever avel gluth, avel kowasow war aswels, hag avel glawas war losow.

Job 29:22

Wosa my dhe gewsel ny gewsens namoy; ow geryow a devera warnedha.

Ezekiel 21:1

Ger an Arloedh a dheuth dhymm, ow leverel:

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Ezekiel 11:4

Rakhenna profoes er aga fynn; profoes, mab den.’

Ezekiel 24:9

Rakhenna yndellma y lever an Arloedh Duw: Go-hi an sita woesek! My ynwedh a wra bern bras a brenn.