Ezekiel 20:5 - An Bibel Kernewek 20234 (Kernewek Kemmyn)

⁵ ha lavar dhedha, Yndellma y lever an Arloedh Duw: Y'n jydh may tewisis vy Ysrael my a dos gans leuv drehevys dhe has chi Yakob, hag omdhiskwedhes dhedha yn pow Ejyp. My a dhrehevis ow leuv dhedha ha ti, ow leverel, My yw an Arloedh agas Duw.

Ezekiel 20:5 ပူးပေါင်းရင်းမြစ်များ

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

Salmow 103:7

Ev a dherivas y fordhow dhe Moyses, ha'y wriansow dhe vebyon Ysrael.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Eksodus 6:2

Ha Duw a leveris dhe Moyses, ‘My yw an Arloedh;

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Ezekiel 20:15

Ynwedh my a dhrehevis ow leuv, ow ti dhedha y'n difeythtir na vedhen aga dri dhe'n tir a res dhedha, a dhinwa leth ha mel, an tekka a'n tiryow oll;

Ezekiel 20:23

Ynwedh my a dhrehevis ow leuv ow ti dhedha yn difeythtir, my dh'aga skattra y'n kenedhlow ha dh'aga skoellya y'n gwlasow,

Ezekiel 34:24

My, an Arloedh, a vydh Duw dhedha, ha'm gwas Davydh a vydh pennsevik yn aga mysk. My, an Arloedh, re gewsis.

Ezekiel 35:11

rakhenna, dell vewav, yn-medh an Arloedh Duw, my a'th tyght war-lergh dha sorr ha war-lergh dha avi a dhiskwedhsys, drefenn dha gas er aga fynn; ha my a vydh aswonnys yntredha pan wrav dha vreusi.

Ezekiel 47:14

Hwi a'n rann yntredha gans an eyl eretons kepar ha'y gila. My a dos gans ow leuv drehevys y ri dh'agas tasow, ha'n tir ma a goedh dhywgh avel agas eretons.

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Levitikus 18:2

Kows orth mebyon Ysrael ha leverel dhedha: An Arloedh agas Duw ov vy.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 32:40

Rag my a dhrehav ow leuv dhe nev, ha leverel: Dell vewav bynitha,

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 4:37

Drefenn ev dhe gara dha dasow, ev a dhewisas aga has war aga lergh, hag ev y honan a'th tros mes a Ejyp ha der y alloes bras,

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Dewteronomi 7:7

Nyns o drefenn agas bos moy ages poblow erell y hwrug an Arloedh agas kara ha'gas dewis – rag yth ewgh an lyha a'n poblow oll;

Diskwedhyans 10:5

Ha'n el a welis ow sevel war an mor ha war an dor a dhrehevis y dhorn dhyghow dhe nev,

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;