Ezekiel 20:32 - An Bibel Kernewek 20234 (Kernewek Kemmyn)

³² Ny hwyrvydh an pyth usi yn agas brys, ow leverel, ‘Ny a vydh avel an kenedhlow, avel teyluyow an powyow, ow kordhya prenn ha men.’

Ezekiel 20:32 ပူးပေါင်းရင်းမြစ်များ

Ezekiel 11:5

Ena Spyrys an Arloedh a goedhas warnav vy, hag yn-medh ev dhymm, ‘Lavar, Yndellma y lever an Arloedh: Yndella hwi re leveris, chi Ysrael; my a woer an pythow a dheu yn agas brys.

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Diskwedhyans 9:20

Ha'n re erell a vab-den na veu ledhys gans an plaow ma, ny gemmeras edrek hwath a wriansow aga diwla, dhe omwitha dhiworth gormel dywolow hag idolys owrek, hag arghansek, hag a vrest hag a brenn na yllons gweles na klewes na kerdhes.

Daniel 5:4

I a evas gwin, ha gormel an duwow a owr hag arghans, brons, horn, prenn ha men.

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Dewteronomi 4:28

Ena hwi a serv duwow, ober diwla den, prenn ha men, na welons, ha na glewons, ha na dhebrons, ha na vlasons.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Yeremia 44:29

Hemma a vydh an tokyn dhywgh, yn-medh an Arloedh, my dh'agas kessydhya y'n tyller ma, rag may hwodhvowgh y fydh ow geryow er agas pynn kompoesys yn sur:

Ysay 37:19

ha re dewlis aga duwow y'n tan. I a's distruis, rag ny vons duwow, mes gweyth diwla den, prenn ha men.

1 Samuel 8:5

ha leverel dhodho, ‘Otta, koth osta, ha ny gerdh dha vebyon y'th fordhow; ytho apoynt ragon, myghtern dh'agan breusi, kepar hag oll an kenedhlow erell.’

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Yeremia 2:25

Gwith dha droes rag bos dieskis, ha'th vryansenn rag syghes: mes ty a leveris, ‘Nyns eus govenek, rag my re garas estrenyon, ha war aga lergh yth av.’

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.