Ezekiel 20:3 - An Bibel Kernewek 20234 (Kernewek Kemmyn)

³ Mab-den, kows dhe henavogyon Ysrael, ha lavar dhedha, Yndellma y lever an Arloedh Duw: Yw rag hwilas kusul ahanav y teuthewgh? Dell vewav, ny vynnav kusul dhe vos hwilys genowgh hwi, yn-medh an Arloedh Duw.

Ezekiel 20:3 ပူးပေါင်းရင်းမြစ်များ

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:12

Pan dheuthewgh dhymm dhe vos gwelys a-ragov, piw a wovynnas dhiworthis trettya ow klosyow?

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ezekiel 14:1

Gwer a henavogyon Ysrael a dheuth dhymm hag esedha a-ragov.

Ezekiel 20:2

Ena ger an Arloedh a dheuth dhymm, ow leverel:

Ezekiel 20:31

Pan offrynnowgh agas rohow, ha gul dh'agas mebyon mos dre dan, hwi a dhefol agas honan gans oll agas idolys bys y'n jydh hedhyw. A vynnav hwi dhe hwilas kusul ahanowgh, chi Ysrael? Dell vewav, yn-medh an Arloedh Duw, ny vynnav hwi dhe hwilas kusul ahanowgh.

Ezekiel 33:30

Ha ty, A vab den, mebyon dha bobel a geskews a-dro dhis ryb an fosow hag orth darasow an chiow, ow leverel an eyl dh'y gila, pubonan dh'y gentrevek, ‘Dewgh, ha klewewgh pyth yw an ger dhiworth an Arloedh.’

Amos 8:12

Gwandra a wrons a vor dhe vor, hag a'n kledh bys y'n howldrevel; ow kwandra a-dro dhe hwilas ger an Arloedh, mes ny'n kevons.

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Luk 3:7

Ytho ev a leveri dhe'n routhow a dheuth mes dhe vos besydhys ganso, ‘Askorr nadres! Piw a'gas gwarnyas dhe fia dhiworth an sorr a dheu?

Yowann 4:24

Duw yw Spyrys, ha res yw dh'y wordhyoryon y wordhya yn spyrys hag yn gwiryonedh.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.