Ezekiel 20:26 - An Bibel Kernewek 20234 (Kernewek Kemmyn)

²⁶ My a's defolas der aga rohow aga honan, owth offrynna oll aga re kynsa-genys, rag may kwrellen vy aga euthega, may hwodhvens my dhe vos an Arloedh.

Ezekiel 20:26 ပူးပေါင်းရင်းမြစ်များ

Ezekiel 6:7

An re ledhys a goedh yn agas mysk, ha hwi a woer my dhe vos an Arloedh.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Ezekiel 20:31

Pan offrynnowgh agas rohow, ha gul dh'agas mebyon mos dre dan, hwi a dhefol agas honan gans oll agas idolys bys y'n jydh hedhyw. A vynnav hwi dhe hwilas kusul ahanowgh, chi Ysrael? Dell vewav, yn-medh an Arloedh Duw, ny vynnav hwi dhe hwilas kusul ahanowgh.

Ysay 63:17

Prag re'gan gwrussys dhe wandra dhiworth dha fordhow, A Arloedh, ha kaleshe agan kolonn ma na borthen own ahanas? Dehwel a-barth dha servysi, loethow dha eretons.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

Luk 2:23

(dell yw skrifys yn lagha an Arloedh, ‘Pub gorow a iger an brys a vydh gelwys sans dhe'n Arloedh’),

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 19:9

Ha my a wra dhedha dybri kig aga mebyon ha kig aga myrghes, hag i a dheber pub huni kig y gentrevek y'n esedhva, hag y'n ahwer may hwra aga eskerens ha'n re a hwila aga bewnans aga grevya.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

Eksodus 13:12

ty a wra profya dhe'n Arloedh peub a iger an brys. Pub kynsa-genys a'th warthek yw gorow a vydh dhe'n Arloedh.

Levitikus 20:2

Ty a lever ynwedh dhe vebyon Ysrael, Piwpynag a vebyon Ysrael po a'n alyons usi trigys yn Ysrael a rollo re a'y fleghes dhe Molek, a vydh gorrys yn sur dhe'n mernans. Pobel an tir a wra y labydha gans meyn.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Ezekiel 20:12

Ynwedh my a ros dhedha ow sabotys, dhe vos tokyn yntra my hag i, rag mayth aswonnens my dhe vos an Arloedh, neb a's sansha.

Ezekiel 20:20

Sakrewgh ow sabotys rag may fons tokyn yntra my ha hwi, may hwodhvowgh my dhe vos an Arloedh agas Duw.

Ezekiel 20:30

Rakhenna lavar dhe ji Ysrael, Yndellma y lever an Arloedh Duw: A wrewgh omdhefola agas honan yn fordh agas tasow, ow kul avoutri gans aga thaklow kasadow?

Ezekiel 23:37

Rag i re wrug avoutri, hag yma goes war aga diwla. I re wrug avoutri gans aga idolys; ynwedh i re sakrifisons dhedha aga mebyon a dhineythsons dhymm, rag boes.

2 Myghternedh 16:3

Mes ev a gerdhi yn hynsyow myghternedh Ysrael, hag a wrug dh'y vab tremena dre dan, herwydh gweythresow divlas an kenedhlow a fesyas an Arloedh a-rag pobel Ysrael.