Ezekiel 2:6 - An Bibel Kernewek 20234 (Kernewek Kemmyn)

⁶ Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Ezekiel 2:6 ပူးပေါင်းရင်းမြစ်များ

2 Myghternedh 1:15

Ena el an Arloedh a leveris dhe Elias, ‘Diyskynn ganso; na borth own anodho.’ Rakhenna ev a sevis ha diyskynna ganso dhe'n myghtern.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 1:8

Na borth own a-ragdha, rag yth esov genes, dhe'th telivra, yn-medh an Arloedh.’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 6:28

I oll yw rebellys worth, ow kerdhes gans sklanderyow: brest ha horn yns i; meschyv a wrons i oll.

Ezekiel 24:3

Gwra parabolenn rag an chi diwostydh ma, ha lavar dhedha, Yndellma y lever an Arloedh Duw: Sett an chek, sett an chek, diver dowr ynno ynwedh.

Ezekiel 28:24

Ny'n jevydh chi Ysrael na fella spedhas dh'aga gwana na spern dh'aga fystiga yn mysk oll aga hentrevogyon, a wre aga despitya. Ena i a woer my dhe vos an Arloedh Duw.

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Luk 10:19

Awotta, my re ros dhywgh awtorita dhe drettya war serf ha skorpyons, ha war oll galloes an eskar, ha ny wra travyth agas pystiga mann.

Luk 11:12

Po mar kovynn oy, a re dhodho skorpyon?

Luk 12:4

‘My a lever dhywgh, ow howetha, na berthewgh own a'n re a ladh an korf ha wosa henna ny yllons gul travyth moy.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 4:19

Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh;

Oberow 4:29

Ha lemmyn, Arloedh, mir orth aga godrosow ha gront dhe'th wesyon kewsel dha er gans pub kolonnekter,

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Filippianys 1:28

heb bos ownekhes yn travyth gans agas eskerens. Hemm yw prov a dhiswrians dhedha i, mes a'gas selwyans hwi, ha hemma dhiworth Duw.

2 Timothi 1:7

Rag ny ros Duw dhyn spyrys ownek mes spyrys a alloes, a gerensa hag a omrewl.

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

1 Peder 3:14

Mes mar kodhevowgh ynwedh rag ewnder, gwynn agas bys. Na berthewgh own rag euth anedha, ha na vedhewgh troblys,

Diskwedhyans 9:10

Ha lost yma dhedha kepar ha skorpyons, ha bros; hag yn aga lost yma galloes a bystiga tus dre bymp mis.