Ezekiel 2:3 - An Bibel Kernewek 20234 (Kernewek Kemmyn)

³ Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Ezekiel 2:3 ပူးပေါင်းရင်းမြစ်များ

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Salmow 106:28

Hag i a lenas orth Baal-peor, ha dybri offrynnow an re varow.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 44:20

Ena Yeremia a leveris dhe'n bobel oll, dhe'n wer ha dhe'n benynes, ha dhe oll an bobel esa ow ri an gorthyp ma dhodho:

Yeremia 44:21

‘An offrynnow a lesksowgh yn trevow Yuda hag yn stretow Yerusalem, hwi ha'gas tasow, agas myghternedh ha'gas pennsevigyon, ha pobel an tir, a ny wrug an Arloedh perthi kov anedha? A ny dheuth yn y vrys?

Yeremia 7:2

Sav yn porth chi an Arloedh, ha deklar ena an ger ma, ha leverel, Klewewgh ger an Arloedh, oll hwi a Yuda, a enter y'n porthow ma dhe wordhya an Arloedh.

Ezekiel 17:12

Lavar dhe'n chi diwostydh, A ny wodhowgh styr an taklow ma? Lavar, Otta myghtern Babylon a dheuth dhe Yerusalem ha kemmeres hy myghtern ha'y fennsevigyon, ha'ga dri ganso dhe Babylon.

Ezekiel 24:3

Gwra parabolenn rag an chi diwostydh ma, ha lavar dhedha, Yndellma y lever an Arloedh Duw: Sett an chek, sett an chek, diver dowr ynno ynwedh.

Ezekiel 40:4

An gour a leveris dhymm, ‘Mab den, mir gans dha dhewlagas, ha klew gans dha dhiwskovarn, ha sett dha vrys war bup-tra a dhiskwedhav dhis; rag ty a veu dres omma rag may hallav y dhiskwedhes dhis. Deriv pup-tra a welydh dhe ji Ysrael.’

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Malaki 3:7

A-dhia dhydhyow agas tasow, hwi a dhibarthas a'm gorhemmynnow, ha ny wrussowgh aga obaya. Dehwelewgh dhymmo vy ha my a dhehwel dhywgh, yn-medh Arloedh an luyow. Hwi a lever, ‘Fatell dhehwelyn?’

Niverow 20:10

Ena Moyses hag Aron a guntellas an gemmynieth war-barth a-rag an garrek, hag ev a leveris dhedha, ‘Klewewgh lemmyn, a dus dhiwostydh; a wren ni dri dowr ragowgh yn-mes a'n garrek ma?’

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Dewteronomi 9:27

Porth kov a'th servysi Abraham, Ysak, ha Yakob; na vir orth gorthter an bobel ma, nag orth hy hammweyth, nag orth hy fegh,