Ezekiel 19:4 - An Bibel Kernewek 20234 (Kernewek Kemmyn)

⁴ An kenedhlow a glewas anodho; kechys veu yn aga fytt. I a'n dros gans higow dhe bow Ejyp.

Ezekiel 19:4 ပူးပေါင်းရင်းမြစ်များ

2 Kroniklys 36:4

Myghtern Ejyp a wrug y vroder Elyakim myghtern war Yuda ha war Yerusalem, hag a janjyas y hanow dhe Yehoyakim; mes Neko a gemmeras y vroder Yehoahaz hag a'n dug dhe Ejyp.

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

2 Myghternedh 23:31

Yehoahaz o tri bloedh warn ugens pan dhallathas reynya, hag ev a reynyas tri mis yn Yerusalem. Hanow y vamm o Hamutal myrgh Yeremia a Libna.

Ezekiel 19:3

Hi a vagas onan a'y lewigow; ev a dheuth ha bos lew yowynk. Ev a dhyskas skwardya preydh; ev a dhybris tus.

Ezekiel 19:5

Pan welas hi, hi dhe waytyas yn euver, ha'y govenek dhe vos kellys, hi a gemmeras onan arall a'y lewigow ha'y wul lew yowynk.