Ezekiel 19:11 - An Bibel Kernewek 20234 (Kernewek Kemmyn)

¹¹ Hi a's teva garrow krev gwiw rag ternwelennow rewloryon. Ughel o hi a-ugh an skorrennow tew; hewel o hi yn hy ughelder gans lanwes hy del.

Ezekiel 19:11 ပူးပေါင်းရင်းမြစ်များ

Ezekiel 31:3

Otta Assyria, kederwydhenn yn Lebanon, gans skorr teg, ow ri skeus dhe'n koes, meur hy ughelder; hy thopp a veu ynter an kommol.

Daniel 4:11

An wydhenn a dheuth ha bos bras ha krev, ha'y barr a dhrehedhas dhe nev, hag yth o gweladow bys penn an norvys oll.

Salmow 80:15

an winlann a blansas dha leuv dhyghow, ha'n skorrenn a wrussys mar grev ragos jy dha honan.

Ezekiel 21:13

Rag y fydh prevyans. Ha fatla mar kwra an kledha despitya an dernwelenn? yn-medh an Arloedh Duw.

Ezekiel 21:10

Lymmys yw rag an ladhva, ha rutys splann rag may fo avel lughes. A lowenhyn yn ternwelenn ow mab? An kledha a dhispres pup-tra gwrys a brenn.

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 80:17

Bedhes dha leuv war wour dha leuv dhyghow, war vab an den a wrussys mar grev ragos jy dha honan.

Ezra 5:11

Ha hemma yw an gorthyp a rosons dhyn: ‘Servysi Duw nev ha leur on ni, hag yth esons ow dastrehevel an chi a veu drehevys nans yw lies blydhen, may hwrug myghtern bras a Ysrael y dhrehevel ha gorfenna.

Ezra 4:20

Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Levitikus 23:40

Y'n kynsa dydh hwi a gemmer frut a wydh splann, delyow palmwydh, skorrennow a wydh delyek ha helyk a'n gover; ha hwi a lowenha seyth dydh dherag an Arloedh agas Duw.

1 Myghternedh 5:1

Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh.