Ezekiel 19:1 - An Bibel Kernewek 20234 (Kernewek Kemmyn)

¹ Ty, drehav galargan rag pennsevigyon Ysrael,

Ezekiel 19:1 ပူးပေါင်းရင်းမြစ်များ

2 Myghternedh 23:34

Faro Neko a wrug dhe Elyakim mab Yosia bos myghtern yn le y das Yosia, ha chanjya y hanow dhe Yehoyakim. Mes ev a gemmeras Yehoahaz dhe-ves; ev a dheuth dhe Ejyp ha merwel ena.

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 24:6

Ytho Yehoyakim a goskas gans y dasow; ha Yehoyakin, y vab, a reynyas yn y le.

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

2 Kroniklys 36:3

Ena myghtern Ejyp a'n gordhellos a'y dron yn Yerusalem hag a worras trubyt war an tir a gans talent a arghans hag unn talent a owr.

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Yeremia 22:28

Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 24:8

Hag avel an drog figys na yll bos dybrys rag aga bos mar dhrog, yn-medh an Arloedh, yndella y hwrav dhe Sedekia myghtern Yuda, ha'y bennsevigyon ha remenant Yerusalem yw gesys y'n tir ma, ha'n re usi trigys yn pow Ejyp.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Kynvannow 5:12

Pennsevigyon yw kregys der aga diwla; nyns yw fasow henavogyon enorys.

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 19:2

ha lavar: Assa veu dha vamm lewes yntra lewyon! Hi a wrowedhas yn mysk lewyon yowynk, ow meythrin hy lewigow.

Ezekiel 2:10

Ena ev a's lesas a-ragov; yth esa skrif war hy dew denewen, ha skrifys warnedhi yth esa galargan ha kynvann ha guw.

Ezekiel 26:17

I a dhrehav galargan warnas, ha leverel dhis, Fatell osta distruys, annedhyades an moryow, an sita gerys-da, neb a veu krev war an mor, hi ha'y annedhysi; hi neb a worras hy euth war oll hy annedhysi!

Ezekiel 27:2

Ty, A vab den, drehav kynvann erbynn Tyr.

Ezekiel 27:32

I a dhrehav kynvann ragos ha kyni warnas, ‘Piw a veu distruys bythkweth kepar ha Tyr yn kres an mor?

Ezekiel 28:12

Mab den, drehav galargan war vyghtern Tyr, ha lavar dhodho, Yndellma y lever an Arloedh Duw: Ty o an sel a berfydhder, leun a furneth, perfydh yn tekter.

Ezekiel 32:16

Homm yw an alargan a ganons. Myrghes an kenedhlow a's kan; i a's kan war Ejyp ha war oll hy routh, yn-medh an Arloedh Duw.

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Amos 5:1

Klewewgh an ger ma a dhrehavav er agas pynn, galargan, A ji Ysrael: