Ezekiel 18:9 - An Bibel Kernewek 20234 (Kernewek Kemmyn)

⁹ hag a gerdh y'm ordenansow hag a wayt gul ow breusow yn gwirder – ev yw gwiryon, ev a vew yn sur, yn-medh an Arloedh Duw.

Ezekiel 18:9 ပူးပေါင်းရင်းမြစ်များ

1 Myghternedh 9:4

Ha ty, mar kerdhydh a-ragov, par dell gerdhi dha das Davydh, gans kolonn lan hag ewnhynseth, ow kul herwydh pup-tra a worhemmynnis dhis, hag ow kwitha ow ordenansow ha'm breusow,

Lavarow Koth 12:28

Y'n hyns a ewnder yma bewnans, mes an fordh a gammwrians a hembronk dhe'n mernans.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 18:10

Mes mars eus dhodho mab neb a lader hag a skoell goes, hag a wra onan a'n taklow ma,

Ezekiel 18:17

neb a dreyl y leuv dhiworth den boghosek, neb na gemmer oker na goroker, neb a wra ow breusow, ha kerdhes y'm ordenansow: ny verow ev drefenn anewnder y das; ev a vew yn surredi.

Ezekiel 18:19

Mes hwi a lever, ‘Prag na dheg an mab anewnder an tas?’ Pan wrug an mab an pyth yw lafyl hag ewn, ha re waytyas gul oll ow ordenansow, ev a vew yn surredi.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 33:15

– mar taskorr an tebelwas gaja, hag attyli an pyth ledrys, ha kerdhes yn ordenansow bewnans heb gul anewnder – ev a vew yn surredi, ha ny verow.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Levitikus 18:5

Ytho, hwi a syns ow ordenansow vy ha'm breusow vy. Den mar kwra hemma, ev a vew ynna. An Arloedh ov vy.

Amos 5:14

Hwilewgh dader, a-der droktra, may fewewgh; ena Arloedh an luyow a vydh genowgh, poran kepar dell leversowgh.

Amos 5:24

Re wrello ewnder frosa yn-nans avel dowrow, ha gwiryonedh kepar hag avon prest ow resek.

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Yowann 14:21

Neb a'n jeves ow gorhemmynnow ha'ga gwitha, ev yw neb a'm kar; ha neb a'm kar a vydh kerys gans ow Thas, ha my a'n karvydh, ha diskwedhes ow honan dhodho.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 8:1

Lemmyn nyns eus dampnya rag an re usi yn Krist Yesu.

Dewteronomi 11:1

Ytho ty a gar an Arloedh dha Dhuw ha gwitha y jarj ha'y ordenansow ha'y vreusow ha'y worhemmynnow pub termyn.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 6:25

Y fydh dhyn ewnder mar kwaytyn ni gul oll an gorhemmynn ma a-wel dhe'n Arloedh agan Duw, kepar dell worhemmynnis dhyn.’

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.