Ezekiel 18:4 - An Bibel Kernewek 20234 (Kernewek Kemmyn)

⁴ Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

Ezekiel 18:4 ပူးပေါင်းရင်းမြစ်များ

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Galatianys 3:22

mes an Skryptor re dhegeas pup-tra yn-dann begh may fo an ambos dre fydh yn Yesu Krist res dhe'n re a grys.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Niverow 27:16

‘Gas an Arloedh, Duw spyrysyon oll kig, dhe ordena gour a-ugh an kuntelles,

2 Myghternedh 14:6

Mes ny ladhas fleghes an voldroryon, herwydh an pyth yw skrifys yn lyver lagha Moyses, le may worhemmynnis an Arloedh, ‘Ny vydh tasow ledhys rag mebyon, ha ny vydh mebyon ledhys rag tasow; mes pubonan a vydh ledhys rag y begh y honan.’

Job 21:20

Re wello aga dewlagas aga distruyans, ha re effons sorr an Ollgalloesek.

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Yeremia 31:30

Mes pubonan a verow a'y anewnder y honan; dyns pub den a dheber an gwinreun trenk a dheu ha bos sogh.

Ezekiel 18:3

Dell vewav, yn-medh an Arloedh Duw, ny vydh usys genowgh an henlavar ma byth moy yn Ysrael.

Ezekiel 18:5

Mes gour mar pydh gwiryon ha gul an pyth yw lafyl hag ewn –

Ezekiel 33:8

Pan lavarav dhe debelwas, ‘Tebelwas, ty a verow surredi’, ha ny gewsydh dhe warnya an tebelwas dhe dreylya dhiworth y fordh, an tebelwas a verow yn y gammhynseth, mes y woes a wovynnav orth dha leuv.

Dewteronomi 24:16

Ny vydh tasow gorrys dhe'n vernans rag mebyon, ha ny vydh mebyon gorrys dhe'n mernans rag tasow. Peub a vydh gorrys dhe'n mernans rag y beghes y honan.

Job 8:4

Mar peghas dha fleghes er y bynn, ev a's delivras yn galloes aga hammweythres.

Ezekiel 3:18

Pan lavarav dhe'n tebelwas, ‘Ty a verow yn tevri’, ha ny redh dhodho gwarnyans, na kewsel dhe warnya tebelwas dhe dreylya dhiworth y fordh dhrog may sawyo y vewnans, an tebelwas na a verow yn y anewnder, mes y woes y hwilav a'th leuv.