Ezekiel 18:31 - An Bibel Kernewek 20234 (Kernewek Kemmyn)

³¹ Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 18:31 ပူးပေါင်းရင်းမြစ်များ

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

Salmow 34:14

Treyl dhiworth drog, ha gwra da; hwila kres, ha'y helghya.

Salmow 51:10

Gwra kolonn lan ragov, A Dhuw, ha daswra ynnov vy spyrys len.

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 31:6

Treylyewgh dhodho ev may hwrussons rebellyans down er y bynn, A vebyon Ysrael.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Yeremia 21:8

Ha dhe'n bobel ma y leverydh: Yndellma y lever an Arloedh: Otta, my a worr a-ragowgh an fordh a vewnans ha'n fordh a vernans.

Yeremia 27:13

Prag y ferwowgh, ty ha'th pobel gans an kledha, gans an divoetter, ha gans an pla, dell leveris an Arloedh a-dro dhe genedhel pynag na serv myghtern Babylon?

Yeremia 27:15

Rag ny's dannvenis, yn-medh an Arloedh, mes i a brofoes gow y'm hanow, ma'gas fesyav yn-mes hag yth ewgh dhe goll, hwi ha'n brofoesi a brofoes dhywgh.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Ezekiel 20:7

My a leveris dhedha, Tewlewgh dhe-ves, hwi oll, an taklow kasadow usi a-rag agas dewlagas, ha na omdhefolewgh gans idolys Ejyp. My yw an Arloedh agas Duw.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Ezekiel 43:9

Lemmyn gorrens dhe-ves aga horyans ha peulveyn aga myghternedh pell dhiworthiv, ha my a drig yn aga mysk bys vykken.

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

Matthew 12:33

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.

Matthew 23:26

Ty Farise dall, kyns oll glanha tu a-bervedh an hanaf may fo glan an tu a-ves anodho.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Dewteronomi 30:15

Mir, my re worras a-ragos hedhyw bewnans ha da, mernans ha drog,

Dewteronomi 30:19

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has,

Jamys 1:21

Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.