Ezekiel 18:30 - An Bibel Kernewek 20234 (Kernewek Kemmyn)

³⁰ Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 18:30 ပူးပေါင်းရင်းမြစ်များ

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Ezekiel 18:21

Mes mar treyl an tebelwas dhiworth oll y beghosow a wrug, ha gwitha oll ow ordenansow, ha gul an pyth yw lafyl hag ewn, ev a vew yn surredi; ny verow.

Luk 13:3

Nyns ens i mann, yn-medhav dhywgh, mes mar ny goedhowgh yn edrek hwi oll a dhe goll y'n keth vaner.

Ezekiel 7:3

Lemmyn an diwedh yw devedhys warnas ha my re dhannvonas ow sorr er dha bynn; ha my a'th vreus war-lergh dha fordhow, ha dha gessydhya rag oll dha daklow kasadow.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Ezekiel 14:6

Rakhenna lavar dhe ji Ysrael, Yndellma y lever an Arloedh Duw: Kemmerewgh edrega, ha treylyewgh dhiworth agas idolys; ha treylyewgh agas fas dhiworth oll agas taklow kasadow.

Luk 13:5

Nyns ens i mann, yn-medhav dhywgh, mes mar ny goedhowgh yn edrek hwi oll a dhe goll y'n keth vaner.’

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Ezekiel 33:20

Hwi a lever, ‘Fordh an Arloedh yw anewn.’ Mes my a vreus pubonan herwydh y fordhow, A ji Ysrael.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Matthew 3:8

Degewgh ytho frut gwiw rag edrega,

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

Diskwedhyans 2:16

Kemmer edrek; poken dos dhiso yn skon a vynnav hag omladh er aga fynn gans kledha ow ganow.

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.

Matthew 25:32

Hag oll an kenedhlow a vydh kuntellys a-dheragdho, hag ev a's rann an eyl dhiworth hy ben kepar dell rann an bugel an deves dhiworth an gever;

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Ezekiel 34:20

Rakhenna yndella y lever dhedha an Arloedh Duw: Ottavy, my ow honan, ow preusi ynter an deves tew ha'n deves tanow.

Ezekiel 33:9

Mes mar redh gwarnyans dhe'n tebelwas dhe dreylya dhiworth y fordh, ha ny dreyl dhiworth y fordh, ena ev a verow yn y gammhynseth, mes ty re sawyas dha enev.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Ezekiel 18:29

Byttegyns chi Ysrael a lever, ‘Fordh an Arloedh yw anewn.’ Yw ow fordhow anewn, chi Ysrael? A nyns yw agas fordhow hwi anewn?

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Ezekiel 43:9

Lemmyn gorrens dhe-ves aga horyans ha peulveyn aga myghternedh pell dhiworthiv, ha my a drig yn aga mysk bys vykken.

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Ysay 21:12

An goelyador a lever, ‘Yma myttin ow tos, ha nos ynwedh. Mar kovynnowgh, govynnewgh; Dehwelewgh, dewgh.’

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 7:3

Yndellma y lever Arloedh an luyow, Duw Ysrael: Gwellhewgh agas fordhow ha'gas gwriansow, ha my a wra dhywgh triga y'n tyller ma.

Ezekiel 36:19

My a's skattras yn mysk an kenedhlow, hag y fons lesys der an powyow; my a's breusis war-lergh aga fara ha'ga gwriansow.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.