Ezekiel 18:27 - An Bibel Kernewek 20234 (Kernewek Kemmyn)

²⁷ Mes pan dreyl tebelwas dhiworth y dhrogober re wrug, ha gul an pyth yw lafyl hag ewn, ev a saw y enev yn few.

Ezekiel 18:27 ပူးပေါင်းရင်းမြစ်များ

Ezekiel 18:21

Mes mar treyl an tebelwas dhiworth oll y beghosow a wrug, ha gwitha oll ow ordenansow, ha gul an pyth yw lafyl hag ewn, ev a vew yn surredi; ny verow.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 2:40

Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Ezekiel 33:5

Ev a glewas son an hirgorn ha ny woslowas an gwarnyans; y woes a vydh warnodho y honan, mes mar koslowas an gwarnyans, ev a saw y vewnans.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Ezekiel 18:26

Pan dreyl den gwiryon dhiworth y ewnder ha gul sherewneth, ev a verow rygdhi; rag y sherewneth a wrug, ev a verow.

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Ezekiel 33:14

Ha pan lavarav dhe debelwas, ‘Ty a verow surredi’, hag ev a dreyl dhiworth y begh ha gul an pyth yw lafyl hag ewn,