Ezekiel 18:25 - An Bibel Kernewek 20234 (Kernewek Kemmyn)

²⁵ Mes hwi a lever, ‘Fordh an Arloedh yw anewn.’ Klewewgh, chi Ysrael: Yw ow fordh anewn, po a nyns yw agas fordhow hwi anewn?

Ezekiel 18:25 ပူးပေါင်းရင်းမြစ်များ

Ezekiel 33:17

Mebyon dha bobel a lever, ‘Fordh an Arloedh nyns yw ewn’, pan nag yw ewn aga fordh i.

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Ezekiel 33:20

Hwi a lever, ‘Fordh an Arloedh yw anewn.’ Mes my a vreus pubonan herwydh y fordhow, A ji Ysrael.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Ezekiel 18:29

Byttegyns chi Ysrael a lever, ‘Fordh an Arloedh yw anewn.’ Yw ow fordhow anewn, chi Ysrael? A nyns yw agas fordhow hwi anewn?

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

Romanyon 3:20

Rag ny vydh denvyth justifiys der oberow an lagha, a-ban dheu aswonnvos pegh der an lagha.

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

Salmow 145:17

An Arloedh yw gwiryon yn oll y fordhow, ha len yn oll y wriansow.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 50:6

Ha'n nevow a dheriv y ewnder, rag Duw y honan yw Breusyas. Sela.

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Job 35:2

‘A brederydh bos hemma ewn? Ty a lever, “Ankablus ov a-dherag Duw.”

Job 32:2

Mes Elihu mab Barakel an Buzyas a deylu Ram eth ha bos pur serrys drefenn Job dhe justifia y honan moy es Duw.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Ezekiel 18:26

Pan dreyl den gwiryon dhiworth y ewnder ha gul sherewneth, ev a verow rygdhi; rag y sherewneth a wrug, ev a verow.

Job 15:13

may treylydh dha spyrys erbynn Duw, ha gasa dhe'n geryow na mos yn-mes a'th hanow?

Lavarow Koth 19:3

Follneth den a wra y fordh kamm, ha'y golonn a serr orth an Arloedh.