Ezekiel 18:24 - An Bibel Kernewek 20234 (Kernewek Kemmyn)

²⁴ Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Ezekiel 18:24 ပူးပေါင်းရင်းမြစ်များ

Ezekiel 33:18

Pan dreyllyo an den gwiryon dhiworth y ewnder ha gul kammweythres, ena y ferow ynno.

Lavarow Koth 21:16

Neb a wander dhiworth an fordh a gonvedhes a wra powes yn kuntelles spyrysyon an re varow.

2 Yowann 1:8

Mirewgh orthowgh agas honan, na gellowgh an traow re wrussyn mes degemmeres leun bewas.

Galatianys 3:4

A wodhevsowgh kemmys yn euver – a pe yn euver devri?

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Ezekiel 18:26

Pan dreyl den gwiryon dhiworth y ewnder ha gul sherewneth, ev a verow rygdhi; rag y sherewneth a wrug, ev a verow.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

Diskwedhyans 3:11

My a dheu yn skon; syns yn fast an pyth usi genes ma na gemmerro denvyth dha gurun.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Galatianys 5:7

Yth esewgh hwi ow poenya yn ta; piw a'gas lettyas a obaya dhe'n gwiryonedh?

Mark 13:13

hag y fydhowgh kesys gans pub den oll a-barth ow hanow vy. Mes neb a dhur bys y'n diwedh, ev a vydh selwys.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Ezekiel 18:22

Ny vydh kovhes er y bynn nagonan a'y dreuspassow re wrug; drefenn y wiryonedh a wrug, ev a vew.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Yowann 8:21

Yesu a leveris dhedha arta, ‘My a dhe-ves, ha hwi a vydh orth ow hwilas, ha hwi a verow yn agas pegh. Ple'th av, ny yllowgh dos.’

Ezekiel 20:27

Rakhenna, A vab den, kows dhe ji Ysrael ha leverel dhedha, Yndellma y lever an Arloedh Duw: Yn hemma ynwedh agas tasow a'm kablas ha bos dislel dhymm.

Ezekiel 18:18

Mes y das, drefenn ev dhe arwaska ha pylla y vreder, ha ny wrug da yn mysk y bobel, otta ev a verow drefenn y anewnder.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

2 Kroniklys 24:2

Yoash a wrug an pyth o ewn yn golok an Arloedh oll dydhyow Yehoyada an oferyas.

Galatianys 3:3

Owgh hwi mar foll? Hwi a dhallathas gans an Spyrys: esowgh owth assaya diwedha lemmyn gans an kig?

Yeremia 34:16

mes hwi a dreylyas ha defola ow hanow pan dhaskemmersowgh agas kethyon ha'gas kethesow, neb a liversowgh war-lergh aga hwans, ha hwi a's dros arta dhe vos kethyon ha kethesow.

Ezekiel 17:20

My a les ow roes warnodho, hag ev a vydh kechys y'm antell, ha my a'n dre dhe Babylon ha'y vreusi ena, drefenn ev dhe vos dislel dhymm.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.