Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.
Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.
Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.
klew dhiworth nev hag oberi; breus dha wesyon, owth attyli dhe'n den kablus dre dhri y fara war y benn y honan, hag owth ewnhe den gwiryon, ha'y rewardya herwydh y wiryonedh.